Имрӯз президенти Тоҷикистон Эмомалӣ Раҳмон ба муносибати ба сари тахт нишастан ба Шоҳи Белгия Филипп барқияи табрикӣ ирсол намуд.
Бино ба иттилои хадамоти матбуоти сарвари давлат, дар барқияи табрикии Эмомалӣ Раҳмон зикр мегардад, ки робитаҳои Тоҷикистону Белгия дар чаҳорчӯбаи шарикии муваффақонаи онҳо дар арсаи байналмилалӣ ва дар майдони равобити дуҷониба рӯ ба рушду густариш ҳастанд.
Дар барқия изҳори итминон карда мешавад, ки дар марҳалаи ҷадиди фаъолияти Шоҳ Филипп робитаҳо таҳкиму тақвияти бештар касб хоҳанд кард.
Ёдрас мекунем, ки санаи 21-уми июл Шоҳи Белгия Алберти II расман аз тахти шоҳӣ даст кашида, писари ӯ Филипп сари тахт омад.
