Имрӯз дар Қирғизистон машқҳои махсуси маҷмӯии байналмилалии қисмҳои мақомот ва хадамотҳои зиддимухаддиротӣ, қӯшунҳои дохилӣ, мақомоти корҳои дохилӣ, ки ба ҳайати қувваҳои таъиноти махсуси Қувваҳои муттаҳидаи СААД «ГРОМ-2013» баргузор мегарданд.
Бино ба иттилои Агентии назорати маводи нашъаовари назди президенти ҶТ, дар машқҳо қисми таъиноти махсуси Агентии мазкур, Хадамоти давлатии назорати маводи нашъаовари назди Ҳукумати Ҷумҳурии Қирғизистон, кормандони СОБР ва хизматчиёни ҳарбии қӯшунҳои дохилии ВКД Қирғизистон ва инчунин намояндагони ХФНМН Россия иштирок мекунанд.
Ба иттилои манбаъ, дар доираи машқҳо гузаронидани амалиётҳои муштарак бар муқобили гурӯҳҳои муташаккили ҷиноӣ, ки даст бар муомилоти ғайриқонунии маводи нашъаовар задаанд, ба нақша гирифта шудааст.
«Ин машқҳо имконият медиҳанд, ки роҳҳои нави мубориза бо қочоқи маводи нашъаоварро дар ҳудуди давлатҳои СААД бо назардошти он ки соли 2014 қувваҳои ҳарбии байналмилалӣ аз хоки Афғонистон бароварда мешавад, такмил диҳанд», – гуфта мешавад дар иттилои Агентӣ.
