Заминларзаи чанде қабл дар қаламрави Тоҷикистон рухдода ба деҳоти шаҳри Вахдат хисорот ба бор овард.
Бо супориши президенти Тоҷикистон Эмомалӣ Раҳмон имрӯз нахуствазири ҷумҳурӣ Оқил Оқилов ҷаласаи Комиссияи давлатии ҳукумат оид ба бартараф кардани оқибатҳои заминларза ва расонидани кӯмаки аввалия ба осебдидагон аз ин ҳодисаро баргузор намуд.
Тавре аз шуъбаи котиботи нахуствазири ҷумҳурӣ хабар доданд, тибқи маълумоти пешакӣ, дар деҳоти шаҳри Ваҳдат 104 хоҷагӣ пурра ва 259 хоҷагӣ қисман зарар дида, талафоти ҷонӣ ба қайд гирифта нашудааст.
«Оқил Оқилов ба вазорату идораҳои дахлдор супориш дод, ки таъҷилан ба расонидани кӯмак ба соебидагон аз офати табиӣ шурӯъ намуда, дар муҳлатҳои кӯтоҳтарин хоҷагиҳои осебдидаро барқарор ва ҷиҳати дақиқан муайян караани ҷабрдидагон тадбирҳои амалӣ андешанд», – гуфтанд дар котибот.
Ёдрас мекунем, ки маркази заминларзаи шоми рӯзи 10-уми ноябр деҳаи Андигони ноҳияи Ваҳдат муқаррар шуда буд. Дар маркази заминларза қувваи он 5 балл ва дар шаҳри душанбе 4 баллро ташкил дод.
