Аз 25-уми ноябр то 10-уми декабр дар Тоҷикистон таҳти унвони «16 рӯз алайҳи хушунати хонаводагӣ» як аксия доир мегардад, ки ба беҳбуди сатҳи огаҳии аҳолӣ аз мушкилоти хушунати хонаводагӣ дар партави қабули қонуни ҶТ «Дар бораи пешгирии зӯроварӣ дар оила» нигаронида шудааст.
Чорабинӣ аз ҷониби Лоиҳа оид ба пешгирии хушунати хонаводагӣ (PDV) бо дастгирии молиявии ҳукумати Швейтсария, ки онро филиали GOPA-и Олмон амалӣ месозад, гузаронида мешавад.
Дар доираи аксия баргузории як қатор чорабинҳои маърифатӣ ҳам дар сатҳи маҳалливу ҳам дар сатҳи ҳукуматӣ, аз ҷумла дар шаҳрҳои Душанбеву Қӯрғонтеппа, ноҳияҳои Бохтару Вахш дар назар аст, ки дар онҳо намояндагони мақомоти маҳаллӣ, ҷомеаи шаҳрвандӣ, ҷавонон, арбобони ҳунару рӯзноманигорон ширкат хоҳанд варзид.
Дар ин давра дар мавзӯи мушкилоти хушанати хонаводагӣ дар Тоҷикистон як қатор конфронсу мизҳои гирд доир гардида, рӯзи 10-уми декабр аксия дар шаҳри Душанбе бо маросими тақдими мукофотҳо ба ғолибони озмуни PDV барои маводи беҳтарини ВАО хотима меёбад.
