Вазорати корҳои хориҷии Тоҷикистон, изҳор медорад, ки дар ҳодисаи фоҷеабори ҳамлаи террористон ба госпитали Яман шаҳрвандони Тоҷикистони муқими ин кишвар осеб надидаанд. Қобили зикр аст, ки дар ин ҳамлаи марговар беш аз 50 нафар кормандонӣ тиббӣ ба ҳалокат расиданд.
Тавре ба ОИ «Азия-Плюс» аз Раёсати иттилооти ВКХ ҶТ хабар доданд, сафоратхонаи Тоҷикистон дар Арабистони Саъудӣ қазият мазкурро таҳти назорат қарор додааст.
Тибқи маълумоти пешакӣ, миёни ҳалокшудагон ва осебдидагон шаҳрвандони Тоҷикистон ҳузур надоранд. Дар ҳамин ҳол, дар бораи шумори мушаххаси шаҳрвандони тоҷики муқими Яман маълумот дода нашуд.
Тибқи маълумоти ғайрирасмӣ, шаҳрвандони Тоҷикистон дар кишварҳои араб асосан дар соҳаи тандурустӣ фаъолият мекунанд.
Ёдрас мекунем, ки шумори қурбониёни ҳамла ба маҷмааи биноҳои Вазорати мудофиаи Яман, ки чанде қабл рух дод, то ба 57 нафар расид.
