Дар иҷлосияи ҳабдаҳуми Маҷлиси вакилони халқи шаҳри Душанбе таҳти раёсати раиси пойтахт Маҳмадсаид Убайдулллоев дар бораи тағйири номи чанде аз кӯчаву маҳаллаҳои шаҳр қарори дахлдор қабул шуд.
Бино ба иттилои хадамоти матбуоти мақомоти шаҳрдории пойтахт, бо қарори иҷлосия, маҳаллаи Авул-1 ба Бунёдкорон, маҳаллаи Авул-2 ба Ободкорон, кӯчаи Федин ба номи собиқ муовини нахуствазири ҷумҳурӣ Асадулло Ғуломов, кӯчаи Репин ба номи Хайрулло Мирзоев, Чкалов ба Қандил Ҷӯраве, Клара Сеткин ба Маҳмудбек Нарзибеков ва Спартак ба Гурминҷ Завқибеков тағйири ном карданд.
Дар иҷлосия ҳамчунин дар бораи пеш аз муҳлат қатъ гардидани ваколатҳои аъзои Маҷлиси вакилони халқи шаҳри Душанбе аз ҳавзаи интихоботии рақами 3 Саъдӣ Одинаев низ қарор қабул шуд.
