Раиси вилояти Хатлон Давлатшо Гулмаҳмадов аз раёсати давлатии хоҷагии оби вилоят талаб кард, то саривақт шабакаҳои обрасониро барои мавсими нави обёрӣ омода намояд.
Чуноне ки аз мақомоти иҷроияи ҳокимияти давлатии вилояти Хатлон ба ОИ «Азия-Плюс» хабар доданд, раиси вилоят аз ин сохтор талаб кардааст, ки заҳбуру заҳкашҳоро саривақт тоза ва пойгоҳҳои обкаширо таъмиру тармим намуда, ба мавсими нави обёрӣ омода намоянд.
Ҳамчунин Гулмаҳмадов аз сардори раёсати номбурда ба зерсохторҳои он дар шаҳру навоҳии вилоят дастур дод, ки ҷамъоварии ҳаққи хизмати обрасониро аз истифодабарандагон саривақт ҷамъоварӣ намоянд.
Гулмаҳмадов ба сарраёсати кишоварзии вилоят низ дастур додааст, ки заминҳоро саривақт аз ғӯзапоя тоза намуда, шудгорро дар рӯзҳои наздик ба анҷом расонанд. «Замин бояд то давраи кишти баҳорӣ дам гирад ва дар ин сурат метавонем аз он ҳосили баландро интизор шавем», – илова кард манбаъ.
