Давоми соли 2013 дар шаҳру ноҳияҳои кишвар зиёда аз 60 маркази хизматрасонии бонкӣ, 84 нуқтаҳои интиқоли пулӣ ва 3 филиали нави Бонки Эсхата кушода шуданд.
Бино ба иттилои хадамоти матбуоти бонк, стратегияи рушди шабакаи хизматрасонӣ бо мақсади васеъшавии ҷуғрофии фаъолияти бонкӣ ва таъмини дастрасии мизоҷон ба хизматрасониҳои босифат барои онҳо мусоидат карда истодааст.
«Тибқи маълумотимутахассисони бонк, соли 2013 аз рӯи шумораи кушодашавии сохторҳои бонкӣ соли рекордӣ буд. Дар маҷмӯъ шумораи филиалҳо 18%, марказҳои хизматрасонии бонкӣ 44% ва нуқтаҳои интиқоли пулӣ 270% афзоишро нишон медиҳад, ки якчанд баробар нисбати солҳои гузашта зиёд аст», – зикр мегардад дар хабари бонк.
Зимнан зикр мегардад, ки санаи 31 декабр соли 2013 Бонки Эсхата дорои 19 филиал, 85 маркази хизматрасонии бонкӣ ва 279 Нуқтаи интиқоли пулӣ дар тамоми ҷумҳурӣ буда, бо рушди мавқеи ҷойгиршавӣ соли 2013 мутаносибан шумораи кормандони бонк низ 44% зиёд гардид.
