Палатаи поёнии парлумони ҷумҳурӣ Созишнома байни Ҷумҳурии Тоҷикистон ва Созмони Аҳдномаи Атлантикаи Шимолӣ (СААШ) ё худ НАТО дар бораи дастгирии кишвари қабулкунанда ба қӯшунҳои (нерӯҳои) СААШ ва ҳайати СААШ ва оид ба транзити қӯшунҳои (нерӯҳои) СААШ ва ҳайати СААШ-ро маъқул шуморид.
Ба гуфтаи вакили парлумон Саттор Холов, созишномаи мазкур шартҳои транзити ҳайати шахсӣ ва техникаи НАТО тариқи қаламрави Тоҷикистонро муайян мекунад. «Дар ин санад ҳамчунин шартҳои истифодаи иншооти зербино ва коммуникатсияи Тоҷикистон аз ҷониби НАТО низ зикр шуда, дар маҷмӯъ созишнома аз 18 банд иборат аст», – гуфт ӯ.
Ёдрас мекунем, ки баъди ташаннуҷи вазъ дар Покистон нерӯҳои НАТО барои хурӯҷ аз Афғонистон маҷбур шуданд, ки танҳо аз самти ба истилоҳ «хатсайри шимолӣ», яъне тариқи Тоҷикистон, Ӯзбекистон, Туркманистон, Қазоқистон, Русия ва минбаъд Аврупо истифода кунанд.
