Ширкати ҳавопаймоии «Тоҷик Эйр» шумори парвозҳо аз Душанбе ба шаҳрҳои Новосибирск, Екатеринбург ва Санкт-Петербурги Русияро зиёд мекунад.
Тавре ба «Азия-Плюс» аз ҶСК «Тоҷик Эйр» иттилоъ доданд, аз 24-уми июн аллакай парвозҳо тариқи хатсайри Душанбе-Новосибирск-Душанбе, ки қаблан як маротиба дар рӯзи шашуми ҳафта сурат мегирифтанд, ду маротиба дар як ҳафта рӯзҳои сешанбе ва шанбе анҷом дода мешаванд. Арзиши билет ба як самт аз 180 евроро ташкил медиҳад.
«Аз 1-уми июл ба хатсайри Душанбе-Екатеринбург-Душанбе (рӯзҳои чоршанбе ва шанбе) ва аз 9-уми июл ба хатсайри Душанбе-Санкт-Петербург-Душанбе (рӯзҳои чоршанбе ва шанбе) низ як парвози иловагӣ роҳандозӣ мешавад. Арзиши билет ба як самт дар ҳарду хатсайр аз 240 евроро ташкил дода, парвозҳо тавассути ҳавопаймоҳои Боинг 737 ва 757 анҷом дода мешаванд», – гуфтанд дар ширкати ҳавопаймоӣ.
Зимнан зикр гардид, ки ояндаи наздик ширкати «Тоҷик Эйр» ният дорад, ки парвозҳо тариқ хатсайри Хуҷанд-Новосибирск-Хуҷандро низ то ду парвоз дар як ҳафта зиёд кунад.
Қобили зикр аст, ки айни замон аз фурудгоҳи байнулмилалии Душанбе ба шаҳрҳои Маскав, Санкт-Петербург, Екатеринбруг, Новосибирск, Красноярск, Қазон, Якутия, Самара, Уфа, Перм, Волгоград, Нижнекамск, Иркутск, Сургут, Челябинск, Ростов, Омкс ва Сочии Русия парвозҳо амалӣ мешаванд.
