Шаби 21-уми июли ҳангоми ҳаракат дар шоҳроҳи Душанбе-Дарвоз-Хоруғ дар километри 553-юм ронандаи автомашинаи тамғаи “Опел-Астра” Беҳрӯз Баҳромови 32-сола, сокини ноҳияи Ванҷ аз ӯҳдаи идора кардани воситаи нақлиёт набаромада, автомашинаро ба даруни дарёи Панҷ чаппа кардааст
.
Бино ба иттилои маркази матбуоти ВКД ҶТ, дар натиҷа ронандаи автомашина ва мусофирони дохили он – Одил Мухторови 25-сола, Васила Сардороваи 64-сола ва Лолда Соқиеваи 32-сола, ҳамаашон сокинони ноҳияи Ванҷ дар дарё ғарқ шудаанд. «Ҷасади шаҳрванд Соқиева Л. дарёфт карда шуда, барои дарёфти боқимондаҳо корҳои ҷустуҷӯӣ идома дорад», – омадааст дар хабари ВКД.
Гуфта мешавад, ҳамин рӯз ҳангоми ҳаракат аз тарафи ноҳияи Ҷ.Румӣ ба самти ноҳияи Вахш дар ҳудуди ҷамоати деҳоти 20-солагии Истиқлолияти Тоҷикистон деҳаи Сафедоб ронандаи автомашинаи тамғаи “Опел-Астра Тагай Алиеви 55-сола, сокини ноҳияи Вахш, аз ӯҳдаи идора кардани воситаи нақлиёт набаромада, онро дар дохили (заҳбур) ҷуйи обгузар, ки чукуриаш 3-4-метр мебошад, чаппа мекунад.
«Дар натиҷа худи ронанда бо бардоштани ҷароҳатҳои вазнини ҷисмонӣ дар беморхона ба ҳалокат расида, мусофири автомашинаи мазкур Карим Нуралиеви 51-сола дар беморхона бистарӣ мегардад.
