Дар рейтинги Барномаи рушди СММ таҳти унвони «Рушди инсонӣ дар соли 2014» (Human Development Report) Тоҷикистонро мавқеъашро аз даст дод.
Тибқи маълумоти гузориши нав, дар ин рейтинг миёни 187 кишвар Тоҷикистон мақоми 133-юмро касб кардааст. Дар рейтинги соли гузашта Тоҷикистон дар зинаи 125-ум қарор дошт.
Кишварҳои дигари минтақаи Осиёи Марказӣ зинаҳои зеринро ишғол намудаанд: Туркманистон – 103-юм, Ӯзбекистон – 116-ум ва Қирғизистон – 125-ум.
Норвегия, Австралия, Швейтсария, Нидерланд ва ИМА дар садри рейтинг қарор дошта, зинаҳои охирро Серра-Леоне, Чад, Ҷумҳурии Африқои Марказӣ, Конго ва Нигер ишғол кардаанд.
Индекси рушди инсонӣ нишондиҳандаи маҷмӯии сатҳи рушди инсон дар кишвар мебошад, аз ин рӯ, онро ба сифати ҳаммаънои мафҳумҳое чн «сифати зиндагӣ» ва «сатҳи зиндагӣ» низ истифода мекунанд. Дар индекс дастовардҳои кишвар дар беҳбуди вазъи солимӣ, дастрасӣ ба маълумот ва даромади воқеии шаҳрвандон арзёбӣ мешавад.
