Дар маҷмаии «Душанбе-Плаза» имрӯз аз озмуни беҳтарин лоиҳаҳои бино ва иншооти Тоҷикистон натиҷагирӣ карда шуд. Озмуни мазкур аз ҷониби Кумитаи меъморӣ ва сохтмони нази ҳукумати Тоҷикистон созмон дода шуд.
Ба озмун аз ҷониби беш аз 30 корхонаҳои ватании лоиҳакашӣ зиёда аз 100 лоиҳаҳои бино ва иншооти гуногун пешниҳод гардид.
Аъзои ҳакамон таҳти раҳбарии раиси Иттиҳоди меъморони Тоҷикистон Баҳром Юсуфов ғолибонро миёни лоиҳаҳои пешниҳодшуда аз рӯи се номинатсия – бинои маъмурӣ, бинои ҷамъиятӣ ва бинои манзили зист муайян карданд.
Ҳамин тариқ, дар номинатсияи «бинои маъмурӣ» – лоиҳаи бинои маъмурӣ дар Душанбеи ҶСК «Шаҳрофар», дар номинатсияи «бинои ҷамъиятӣ» – лоиҳаи майдони бозии теннис дар Варзишгоҳи марказии ҷумҳуриявӣ ва дар номитнатсияи «бинои манзили зист» – лоиҳаи манзили зист дар соҳили дарёи Сири шаҳри Хуҷанди ҶДММ «Мусаввир» ғолибони озмун дониста шуданд.
Ба ғолибони озмун дипломҳои Кумитаи меъморӣ ва сохтмони назди ҳукумати ҶТ супарда шуда, ҳамчунин ҳар кадоме аз онҳо дар ҳаҷми 2 ҳазор сомонӣ бо мукофотпулӣ сарфароз гардонида шуданд.
