Бозори «Саховат»-и шаҳри Турсунзода, ки қаблан ба оилаи раиси ҲНИТ Муҳиддин Кабирӣ тааллуқ дошт, бо қарори навбатии раиси шаҳри Турсунзода Бобоалӣ Табарзода ба бозори «Варзиш» табдил дода мешавад.
Бузургмеҳр Ёров, адвокати оилаи Кабирӣ мегӯяд, рӯзи 5-уми август раиси шаҳри Турсунзода дастур додааст, ки дар ҷойи бозори «Саховат»
маҷмааи варзишӣ
бунёд карда шавад, вале худи ҳамон рӯз боз як қарори дигар содир намудааст, ки мувофиқи он, бозор кӯчонида нашуда, он ба бозори асбобу лавозимот, срулибос ва таҷҳизоти варзишӣ табдил дода мешавад.
«Ба саволи чаро нахуст тарҳрезӣ шудани сохтмони маҷмааи варзишӣ ва акнун кӯчонида нашудани бозор ва ба ҷойи он бунёд кардани бозори таъиноти дигар, ба мо посух доданд, ки барои онҳо иваз кардани директори бозор зарур будааст», – гуфт Ёров.
Ба гуфтаи ӯ, мураббии шуъбаи Кумитаи ҷавонон, варзиш ва сайёҳии шаҳри Турсунзода Муҳаммад Бодаков мувақкатан иҷрокунандаи вазифаи директори бозор таъин шуда, мутобиқи қарори раиси шаҳр, бозори «Саховат» ба тавозуни ҳукумати шаҳри Турсунзода гузаронида шудааст.
