Гурӯҳи зудамали Кумитаи ҳолатҳои фавқулода ва мудофиаи граждании назди ҳукумати ҶТ дар вилояти Суғд то ҳол ҷасади тоҷири 32-солаи пойтахт Муҳаммаднодир Норовро, ки рӯзи 21-уми ноябр дар килмоетри 19-уми роҳи мошингарди Айнӣ – Панҷакент аз уҳдаи идораи воситаи нақлиёт набромада, бо автомашинааш ба дарёи Зарафшон сарозер рафта буд, ҷустуҷӯ дорад.
Сардори маркази матбуоти Кумита Ориф Нозимов ба «Азия-Плюс» дар ин робита иттилоъ дод, ки рӯзи рух додани садамаи нақлиёт автомашинаи тамғаи «Лексус»-и мутааллиқ ба тоҷири зикршуда дар дарёи Зарафшон дарёфт ва ба соҳил бароварда шудааст. «Вале дар дохили автомашина касе набуд», – қайд кард Нозимов.
