Кормандони Раёсати ВКД Тоҷикистон дар шаҳри Душанбе дар муддати кӯтоҳ гумонбар ба ғорати маркази савдои «Саодат»-и пойтахтро боздошт намуданд.
Бино ба маълумоти маркази матбуоти Раёсати ВКД дар пойтахт, молики мағоза Парвина Аҳмадзодаи 30-сола бо ариза ба шуъбаи милиса муроҷиат намуда, изҳор доштааст, ки шахсони номаълум ба мағоза ворид шуда, тамоми маблағи пули савдоро бо худ бурдаанд.
«Зимни чорабиниҳои фаврӣ баъди гузашти якчанд соат ба гумони даст доштан дар ин ғоратгарӣ сокини 26-солаи пойтахт Сироҷ Сафаров боздошт ва нисбати ин амали ӯ парвандаи ҷиноӣ боз шуд», – хабар медиҳад манбаъ.
