Дар арафаи таҷлили 20-солагии таъсисёбии Ҳизби Халқии Демократии Тоҷикистон кумитаи иҷроияи ноҳияи Бобоҷон Ғафуров нашрияи хешро бо номи «Сипеҳр» аз чоп баровард.
Бино ба иттилои сомонаи расмии ҲХДТ, нашрияи мазкур бо мақсади инъикоси набзи ҳизбиёни ноҳия, зиёд намудани сафи пайравону ҷонибдорони ҲХДТ таъсис дода шуд.
Гуфта мешавад, дар муҳити ноҳияи сернуфуз ва сераъзо ташкили ин нашрия амри воқеӣ буда, минбаъд аъзо ва пайравони ҳизб метавонанд бо матолиби хондании худ фаъолияти хешро нишон диҳанд.
Қобили зикр аст, ки имрӯз ба ҷуз нашрияи марказӣ – «Минбари халқ», ҲХДТ дигар нашрияҳои худ дар шаҳрҳои Душанбе, Хуҷанд, Турсунзода ва Қӯрғонтеппаро низ ба чоп мерасонад.
