Дар конфронси муштараки бахшҳои ҲХДТ дар ноҳияҳои Муъминобод, Шӯрообод ва Ховалинги вилояти Хатлон сардори Академияи ВКД Тоҷикистон, генерал-майори милиса, доктори улуми ҳуқуқшиносӣ Ҷӯрахон Маҷидзода номзад ба вакилӣ дар палатаи поёнии парлумон пешбарӣ шуд. Дар ин бора ба «Азия-Плюс» як манбаъ аз ҲХДТ хабар дод.
Хотирррасон шуд, ки қаблан ҲХДТ аз ҳавзаи якмандатии интихоботии Қӯрғонтеппа сардори Раёсати ВКД дар вилоят Хатлон,
генерал-майори милиса Анвар Тағоймуродовро
номзад ба вакилӣ пешбарӣ карда буд.
«Конфронси муштараки бахшҳои ҲХДТ дар ноҳияҳои Қубодиён, Шаҳритӯс ва Носири Хусрави вилояти Хатлон аз ҳавзаи якмандатии интихоботии Қубодиён Бадриддин Садриддиновро, ки дар даъвати кунунии Маҷлиси намояндагон ҳавзаи мазкурро намояндагӣ мекунад, такроран номзад ба вакилӣ пешбарӣ намуд», – гуфт манбаъ.
