Ситоди марказии пешазинтихоботии Ҳизби халқии демократии Тоҷикистон то 2-юми март ҳамарӯза бо шумули рӯзҳои шанбеву якшанбе низ ҷаласаҳои худро барпо мекунад.
Усмон Солеҳ, мудири шӯъбаи таблиғот, иттилоот ва матбуоти Дастгоҳи КИМ ҲХДТ ба «Азия-Плюс» дар ин робита иттилоъ дод, ки дар ҷаласаҳои мазкур таҳти раёсати муовини аввали раиси ҲХДТ Саидмурод Фаттоҳзода ҷараёни иштироки ҳизб дар маъракаи интихоботии парлумонии санаи 1-уми марти соли равон таъиншуда ва масъалаи самаранокии фаъолияти бахшҳои ҳизб дар вилоят ва шаҳру навоҳии кишвар мавриди баррасӣ қарор мегирад.
«Ғайр аз ин, дар ҷаласаҳои мазкур ситодҳои маҳаллии бахшҳои ҳизб назди ситоди марказӣ дар бораи кори анҷомдододаашон дар ҷараёни маъракаи интихобот ва нақшаҳои минбаъдаашон дар ин самт ҳисобот медиҳанд», – гуфт ӯ.
