Ҳизби наҳзати исломии Тоҷикистон ҳамлаи ваҳшиёна ба дафтари маҷаллаи ҳаҷвии Шарлӣ Ебдо дар Пориси Фаронсаро, ки дар натиҷаи он 12 нафар кушта шуд, шадидан маҳкум намуда, тасаллияти худро бо мардуми Фаронса баён медорад.
Дар сомонаи расмии ҲНИТ дар ин робита зикр мегардад, ки ҳизб карикатураҳои иҳонатомез алайҳи Паёмбари Ислом, Муҳаммад (с)-ро ҳамчун амали фитнаангез маҳкум карда буд, аммо, ҷинояти содиршуда, новобаста аз омилон ва аҳдофашон, наметавонад ҳеҷ далеле дошта бошад ва маҳкуму мардуд мебошад.
Гуфта мешавад, ин амали нангин бори дигар исбот мекунад, ки бояд хама кишварҳо, миллатҳо ва динҳо алайхи ифротгароӣ ва терроризм муттаҳид бошанд ва ҳамкориву муколамаи байни якдигарро тақвият бахшанд.
