Дар шаҳри Брюссел вохӯрии намояндаи доимии Ҷумҳурии Тоҷикистон дар Иттиҳоди Аврупо, сафир Рустам Солиев бо ноиби президенти Парлумони Аврупо Ричард Чарнески баргузор гардид.
Тавре аз намояндагиидоимии ҶТ дар ИттиҳодиАврупо хабар доданд, зимни мулоқот ҷонибҳо масъалаҳои муносибатҳои гуногунсамтаи Тоҷикистону Иттиҳоди Аврупоро баррасӣ намуда, оид ба таҳким ва тавсеаи минбаъдаи робитаҳои сиёсӣ, иқтисодӣ, иҷтимоӣ, тиҷоратӣ, сармоягузорӣ, маърифатӣ, фарҳангӣ ва гуманитарӣ изҳори ҳавасмандӣ карданд.
Гуфта мешавад, Ричард Чарнески изҳор намуд, ки Парлумони Аврупо омода аст бо истифода аз механизмҳои парлумонӣ барои боз ҳам ба сатҳи баланд бардоштани ҳамкориҳои мутақобилан судманди бисёрҷониба миёниТоҷикистон ва Иттиҳоди Аврупо мусоидат расонад.
Дар ҳошияи вохӯрӣ Намояндаи доимӣ аз аъзои Гурӯҳи дӯстии Тоҷикистон ва Парлумони Аврупо шудани Ричард Чарнески ибрози қаноатмандӣ намуда, қайд кард, ки чунин тавсеаи сафи аъзоёни Гурӯҳи дӯстӣ барои мустаҳкам намудани ҳамкориҳоиТоҷикистону ИттиҳодиАврупо мусоидати фаъол хоҳад намуд.
Ба иттилои манбаъ, чанде қабл ҳамчунин бо иштироки Ричард Чарнески вохӯрии навбатии Гурӯҳи дӯстии Тоҷикистон ва Парлумони Аврупо баргузор гардида, Рустам Солиев ба вакилон оид ба рафти омодагӣ ба баргузории интихоботи навбатии парлумонӣ дар Тоҷикистон, ки 1 марти соли 2015 баргузор мегардад, маълумоти муфассал додааст.
Зикр гардидааст, ки интихоботи навбатии парлумонӣ дарТоҷикистон дар фазои орому осуда ва бо риояи меъёрҳои ҷаҳони муосир баргузор гардида, натиҷаҳои он барои рушди минбаъдаи парламентаризми демократии кишвар мусоидат хоҳад кард.
