Соли 2014 дар корхонаҳои саноатии Тоҷикистон ба маблағи беш аз 10,5 млрд. сомонӣ (зиёда аз 2 млрд. доллари ИМА) маҳсулот истеҳсол карда шуд.
Тавре аз Агентии омори назди президенти ҶТ иттилоъ доданд, ин нишондиҳанда нисбат ба соли 2013 ба андозаи 5,1% зиёдтар аст.
Ба иттилои манбаъ, дар ҳаҷми умумии истеҳсолоти саноатӣ ҳисссаи саноати истихроҷ – 13,3, саноати коркард – 66,1% ва истеҳсолу тақсимоти нерӯи барқу газ ва об – 20,6%-ро ташкил додааст.
Гуфта мешавад, аз 90 навъи маҳсулоти саноатии муҳим соли 2014 дар 40 номгӯи он истеҳсоли ҳаҷми маҳсулот афзоиш ва дар 37 номгӯй истеҳсоли он коҳиш ёфта, 13 номгӯи маҳсулот истеҳсол нашудаанд.
Зимнан зикр мегардад, ки аз 1 ҳазору 183 корхонаи саноатии назди Агентии омор ҳисоботдиҳанда, аз оғози сол 149 корхона аз фаъолият бозмондаанд.
