Дар ҷаласаи имрӯзаи КМИР Тоҷикистон масъалаи сабти расмии номзадҳои тибқи рӯйхати ҳизбии ҲХДТ ва Ҳизби аграрӣ пешбаришуда аз ҳавзаи ягонаи умумиҷумҳуриявӣ баррасӣ мешавад. Дар ин бора ба «Азия-Плюс» роҳбари дастгоҳи КМИР ҶТ Абдуманнон Додозода хабар дод.
Ӯ хотиррасон намуд, ки рӯйхати ҲХДТ аз 27 нафар номзадҳо таҳти сарварии ёвари президент оид ба масоили кадрҳо Абдуҷаббор Азизӣ ва рӯйхати Ҳизби аграрӣ аз 13 нафар номзадҳо бо роҳбарии раиси ҳизб Рустам Латифзода иборат аст.
Додозода зикр кард, ки чанде қабл нимаи дуюми дирӯз дар КМИР рӯйхатҳои ҳизбии ҲДТ таҳти роҳбарии раиси ҳизб Саидҷаъфар Исмонов иборат аз 4 нафар номзадҳо, ҲСТ таҳти роҳбарии раиси ҳизб Абдуҳалим Ғаффоров иборат аз 6 нафар номзадҳо ва ҲИИТ таҳти роҳбарии раиси ҳизб Олимҷон Бобоев иборат аз 6 нафар номзадҳо расман ба қайд гирифта шуданд.
