Дар маърааи интихобот ба маҷлисҳои маҳаллии ввкилони халқи вилоят ва шаҳру навоҳӣ аз Ҳизби сотсиалистии Тоҷикистон (ҲСТ) 40 номзад расман ба қайд гирифта шуд.
Раиси ҲСТ Абдуҳалим Ғаффоров ба «Азия-Плюс» дар ин робита иттилоъ дод, ки барои ҳар як номзади сабтшудаи ҳизб 100-тогӣ лавҳаи таблиғотӣ омода шуда, аллакай миёни интихобкунандагон тақсим карда мешаванд.
«Ғайр аз ин, 3 ҳазор лавҳаи таблиғотӣ бо маълумот дар бораи 6 нафар номзади ҲСТ тибқи рӯйхати ҳизбӣ аз ҳавзаи ягонаи умумиҷумҳуриявӣ низ миёни интихобкунандагон тақсим мешавад», – иброз дошт вай.
Ба қавли раиси ҲСТ, дар ҳавзаҳои якмандатии интихоботӣ 4 нафар аъзоли фаъоли ҳизб номзад ба вакилӣ дар палатаи поёнии парлумон пешбарӣ шуда, барои онҳо 200 лавҳаи таблиғотӣ омода шудааст.
Ғаффоров таъкид дошт, ки дар тамоми минтақаҳои кишвар гурӯҳҳои ихтиёриёни ҲСТ фаъолият доранд, ки ба интихобкунандагон моҳият ва бандҳои асосии барномаи пешазинтихоботии ҳизбро шарҳу тавзеҳ медиҳанд.
