Қатли як ҷавон дар вилояти Қазоқистони Ҷанубӣ сабаби тазоҳуроту бетартибӣ дар як рустои ин вилоят шуд.
Бино ба иттилои бахши тоҷикии торнамои
радиои «Озодӣ»
, Раёсати минтақавии пулиси Қазоқистон гуфтааст, дар натиҷаи бетартибиҳои шоми 5-уми феврал дар рустои Интимоқ чандин мошинро оташ задаанд ва чанд хона ҳам осеб дидааст.
Гуфта мешавад, бетартибӣ баъди он сар задааст, ки мардуми рустои Интимоқ, рӯзи 4-уми феврал ҷасади кордхӯрдаи Бахтиҷон Ортиқов, як сокини русторо дар наздикии рустои Бустондиқ пайдо кардаанд. Навмиддин Норматов, сокини ҳамин русто, ки ба қатл муттаҳам мешавад, ғайб задааст.
Як афсари пулиси минтақа рӯзи 5-уми феврал ба Радиои Озодӣ гуфтааст, ки “байни тоҷикону қазоқҳо нофаҳмӣ сар зада” ва сабаби бетартибӣ шудааст. Ба гуфтаи мақомоти маҳаллӣ, баъди сафарбар шудани маъмурони амниятӣ ва милиса, вазъ дар рустои Интимоқ ором шудааст.
