Дар манзили зисти сокини 58-солаи маҳаллаи Зарафшони пойтахт Насриддин Аҳмедов рӯзи 9-уми феврал сӯхтор сар зад.
Бино ба иттилои маркази матбуоти ВКД ҶТ, оташ масоҳати 10 метри мураббаъро фаро гирифта, дар натиҷа писари ноболиғи 6-солааш Юсуф Аҳмедов аз дуди ғализ заҳролуд гашта, ба ҳалокат расидааст. Зарари расонидашуда 2500 сомониро ташкил дода, сабаби сар задани сӯхтор беназорат мондани асбобҳои барқӣ унвон шудааст.
Гуфта мешавад, ҳамин рӯз дар хонаи сокини шаҳри Ваҳдат Фариза Абдуназароваи 26-сола низ бар асари расиши кӯтоҳи ноқилҳои барқӣ дар масоҳати 20 метри мураббаъ сӯхтор ба амал омада, зиёни расида аз оташ 3640 сомониро ташкил додааст.
