Рӯзи 11 феврал дар натиҷаи нодуруст истифода кардани таҷҳизоти барқӣ дар манзили сокини 58-солаи ноҳияи Темурмалик Майрамбӣ Бобоева сӯхтор ба амал омад.
Бино ба иттилои маркази матбуоти ВКД Тоҷикистон, оташ майдони 35 метри мураббаъро фаро гирифта, аз ҷароҳатҳои гирифтаи сӯхта набераи соҳибхоназан Басиямоҳи 1-сола ба ҳалокат расид.
Гуфта мешавад, маблағи умумии зиёни расида аз сӯхтор 5 ҳазор сомониро ташкил додааст.
