Суди ноҳияи Исмоили Сомонии пойтахт яке аз посбонони маркази савдои «Рӯдакӣ Плаза» Тоҳир Хурсандовро ҷарима баст.
Аз суди ноҳияи Исмоили Сомонӣ ба «Азия-Плюс» дар ин робита иттилоъ доданд, ки посбон мутобиқи моддаи 510-и Кодекси ҳуқуқвайронкунии маъмурии ҶТ (Амалисозии фаъолияте, ки иҷозатнома талаб мекунад) айбдор дониста шуда, дар ҳаҷми 400 сомонӣ ба нафъи давлат ҷаримабандӣ шудааст.
Зимнан зикр гардид, ки парвандаи ҳуқуқвайронкунии маъмурӣ аз руйи ин далел аз ҷониби Прокуратураи генералии ҶТ боз шуда, мурофиаи судӣ таҳти раёсати судя Сафарбек Нурализода баргузор шудааст.
Ҳамчунин қайд шуд, ки дар мурофиаи судӣ посбон Тоҳир Хурсандов ба гуноҳи худ иқрор шуда, иброз доштааст, ки воқеъан ҳам бидуни ҳеҷ як ҳуҷчати тасдиқкунандаи иҷозати анҷом додани амалиёт бо асъор, ба муомилоти ғайриқонунии асъор машғул шудааст.
