Маъракаи пешазинтихоботии собиқ котиби давлатии Иёлоти Муттаҳидаи Амрико Ҳилларӣ Клинтон, ки нияти иштирок дар интихоботи президентӣ дар соли 2016 дар ИМА-ро изҳор дошт, метавонад аз ҳама гаронтарин дар таърихи ин кишвар гардад.
The New York Times
менависад, ба ин маърака довталаб Ҳ.Клинтон 2,5 млрд. $ воситаҳои ҷонибдорони худ ва ҳамчунин Ҳизби демократро ҷалб карданист, ки ба эҳтимоли зиёд номзадии ӯро дастгирӣ хоҳад кард.
Қаблан рӯзномаи Wall Street Journal иттилоъ дода буд, ки Клинтон барои маъракаи пешазинтихоботиаш 1 млрд. $ масраф карданист, ки аз буҷети бо ин мақсад харҷкардаи прзиденти амалкунандаи ИМА Барак Обама дар соли 2012 (716 млн. $) зиёдтар аст.
Тавре интизорӣ мерафт, рӯзи 12 апрел Ҳилларӣ Клинтон изҳор намуд, ки дар маъракаи интихоботи президентии соли 2016 дар ИМА номзад шуданист. «Ман ба маъракаи интихоботи президентӣ ворид мешавам. Ҳар рӯз барои амрикоиҳо қаҳрамон (чемпион) зарур аст ва ман мехоҳам, ки чунин қаҳрамон бошам», – гуфтааст ӯ дар навори видеоии дудақиқагӣ таҳти шиори «Ҳилларӣ барои Амрико» дар саҳифаи худ дар Facebook.
Қобили зикр аст, ки маъракаи пешазинтихоботии Ҳилларӣ Клинтон аллакай рӯзи 14 апрел бо боздид аз иёлат (шата)-и Айова оғоз мегардад.
