Кормандонп милиса як ҷавонеро ба гумони даст доштан дар куштори хунсардонаи ҳамсолаш боздошт намуданд.
Дафтари матбуоти ВКД ҶТ дар шарҳи ин хабар мегӯяд, аввали ҳамин ҳафта шахси номаълум дар дохили автомашинаи тамғаи “Опел-Астра”-и таҳти идораи сокини 22-солаи ноҳияи Варзоб ҳангоми аз самти шаҳри Душанбе ба ноҳияи Ёвон ҳаракат кардан дар роҳи нақлиётгарди ҷамоати деҳоти Султонободи ноҳияи Рӯдакӣ ронандаро бо корди хоҷагии дар дасташ буда, 1-маротиба ба тарафи рости шикамаш зада, баъдан ӯро аз дохили автомашина дар роҳ мепартояд ва аз ҷойи ҳодиса ғайб мезанад.
Ба иттилои манбаъ, дар натиҷа ронанда ҷароҳати вазнини ҷисмонӣ бардошта, дар беморхона ба ҳалокат расидааст.
Гуфта мешавад, барои муайян ва дастгир кардани ҷинояткорон аз ҷониби кормандони ШВКД дар ноҳияи Рӯдакӣ-1 ва Прокуратураи ноҳияи мазкур чорабиниҳои оперативӣ-ҷустуҷӯӣ ва тафтишотӣ гузаронида шуда, ин ҷинояти мудҳиш дар муддати кӯтоҳ ошкор карда шуд.
Зимнан зикр мегардад, ки рӯзи 16 апрел ҳамчун гумонбар дар содир намудани ҷинояти куштор ҷавони 22-солаи сокини ноҳияи Рӯдакӣ дастгир ва ба ҳабси пешакӣ гирифта шуда, аз рӯи ин ҳодиса парвандаи ҷиноятӣ оғоз ва тафтишот идома дорад.
