Ба Шуъбаи ВКД дар ноҳияи Ҳисор марди 28-солаи сокини ҳамин ноҳия бо ариза дар бораи лату кӯб ва ғорати бародари ноболиғаш муроҷиат намудааст.
Дафтари матбуоти ВКД Тоҷикистон бо такя ба гуфтаҳои аризадиҳанда дар ин робита иттилоъ медиҳад, ки нимаи рӯзи 9 август шахсони номаълум дар назди маркази ноҳия бародари 16-солаашро лату кӯб намуда, бо роҳи зӯроварӣ аз дасташ 1-адад телефони тамғаи “Айфон” ва маблағи 2538 сомониро тасарруф намуда, аз ҷойи ҳодиса ғайб задаанд.
Гуфта мешавад, зимни гузаронидани чорабиниҳои оперативӣ-ҷустуҷӯӣ аз ҷониби кормандони милитсия ду ҷавони 22 ва 18-солаи сокинони ноҳияи Ҳисор бо гумони даст доштан дар ҷинояти ғоратгарӣ дастгир карда шудаанд.
Зимнан зикр мегардад, ки нисбати далели мазкур парвандаи ҷиноятӣ оғоз гардида, тафтишот идома дорад.
