Таҳти раёсати директори Агентии назорати давлатии молиявӣ ва мубориза бо коррупсияи Тоҷикистон Рустами Эмомалӣ ҷаласаи васеи ҳайати мушовараи Агентӣ доир гардид, ки дар он аз фаъолияти ин ниҳод дар соли гузашта натиҷагирӣ шуда, вазифаҳои асосӣ барои соли равон муайян карда шуданд.
Бино ба иттилои маркази матбуоти Агентӣ, дар ҷаласа, ки бо ҳузури ёрдамчии Президенти Ҷумҳурии Тоҷикситон оид ба масалаҳои иқтисодӣ Ҳамрализода Фаррух Маҳмуд баргузор шуд, маърӯзаву ҳисоботҳои муовини якуми директори Агентӣ Аламхон Наимӣ, сардорони Сарраёсати назорати давлатии молиявӣ, Сарраёсати мубориза бо коррупсия ва ҷиноятҳои иктисодии характери коррупсионидошта, раёсати тафтишотӣ, раёсатҳои Агентӣ дар шаҳри Душанбе, вилоятҳои Суғд, Хатлон, ва ВМКБ шунида шуданд.
Гуфта мешавад, директори Агентӣ Рустами Эмомалӣ дикқати ҳайати шахсии Агентиро ба камбудиҳои дар фаъолият ҷойдошта ҷалб намуда, барои бартараф намудани онҳо дастуру супоришҳо дод.
Зимнан зикр мегардад, ки Рустами Эмомалӣ зикр кард, ки кормандони Агентӣ бояд дастуру супоришҳои Президенти кишвар Эмомалӣ Раҳмон ҷиҳати пешгирӣ ва мубориза бо коррупсия, амалисозии стандартҳои байналмилалӣ ва санадҳои меъёрии ҳуқуқии зиддикоррупсионӣ, дар амал татбиқ намудани сиёсати зиддикоррупсионии ҳукумати Тоҷикистонро софдилона иҷро намоянд.
