Имрӯз дар Душанбе таҳти унвони «Ҳамкории байниминтақавӣ ҳамчун омили рушди фаъолияти корӣ» Конфронси шашуми ҳамкории байниминтақавии Тоҷикистону Русия доир мегардад.
Конфронс аз ҷониби Вазоратҳои рушди иқтисоди ҳарду кишвар бо дастгирии Фонди «Росконгресс» гузаронида мешавад.
Дар доираи барномаи кории Конфросн баргузории мизҳои гирд оид ба мавзӯъҳои марбута ва биржаи робитаҳои корӣ барои иштиркочиён дар назар буда, бо иштироки намояндагони дастгоҳҳои Президентҳои Русия ва Тоҷикистон, мақомоти ҳокимияти давлатӣ, доираҳои корӣ, корхонаву ташкилотҳо ва намояндагони васоити ахбори умум ҷаласаи умумӣ (пленарӣ) доир мегардад.
Зимни кори конфронс масоили густариши ҳамкориҳои дуҷониба байни минтақаҳо дар бахшҳои кишоварзӣ, муҳоҷирати корӣ, рушди робитаҳои гуманитарӣ, саноат ва зербинои нақлиёт, тақвияти ҳамкориҳои тиҷоративу иқтисодӣ ва сармоягузорӣ мавриди баррасӣ қарор мегирад.
Ҳамчунин имзои созишномаҳо, аз ҷумла қарордоди содиротӣ байни ҶДММ «Трактор» ва ҶДММ «Сароб» (оид ба тракторҳои хурд ва таҷҳизот) ва Созишномаи ҳамкорӣ байни Палдлатаҳои савдо ва саноати Тоҷикистон ва вилояти Липетски Русия дар назар аст.
Ғайр аз ин, дар чаҳорчӯби кори конфронс доир ба мавзӯъҳои «чӣ гуна ба бозори Тоҷикистон мебояд ворид шуд» ва «чӣ гуна ба пешбурди маҳсулоти Тоҷикистон дар бозорҳои Русия метавон даст ёфт» машғулиятҳои намояндагони муваффақи ин соҳаҳо баргузор мешаванд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
