Раиси Маҷлиси миллии Маҷлиси Олии Тоҷикистон Маҳмадсаид Убайдуллоев дар бораи санаи 29 март даъват шудани иҷлосияи навбатии ҳаждаҳуми палатаи болоии парлумони ҷумҳурӣ қарор ба имзо расонид.
Вакилони Маҷлиси миллӣ тағйироту иловаҳои қаблан қабулшударо аз ҷониби палатаи поёнии парлумон ба қонунҳо “Дар бораи коррупсия”, “Дар бораи масъулияти падару модар дар таълиму тарбияи фарзанд”, “Дар бораи хизмати давлатӣ” баррасӣ мекунанд, хабар доданд ба “Азия-Плюс” аз палатаи болоии парлумони кишвар.
Бино ба иттилои манбаъ, узви тозаинтихоби палатаи болоии парлумон, раиси ВМКБ Ёдгор Файзов дар ин иҷлосия ба сифати вакили Маҷлиси миллӣ савганд ёд мекунад.
Зимнан зикр гардид, ки прокурори генералии Тоҷикистон Юсуф Раҳмон ба вакилони Маҷлиси миллӣ дар бораи ҳолати риояи қонунҳо дар қаламрави кишвар гузориш медиҳад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
