Хабаргузории “Азия-Плюс” нахустин барномаи ҷамъбасти ҳафтаро дар шакли видеоӣ пешкаши бинандагон мекунад.
Видеобарномаи инҳафтаинаи “Иттилоот” фарогири мавзӯъҳои зерин аст:
– Вирус дар Чин водор кардааст, ки Тоҷикистони ҳаммарзи он назорати санитарию тиббиро дар гузаргоҳу фурудгоҳҳо пурзӯр кунад.
– Прокурори генералии Тоҷикистон мехоҳад, ки ҳукми қатл аз нав татбиқ карда шавад. Мо аз шаҳрвандон пурсон шудем: “Оё касе ҳаққи гирифтани ҷони инсонро дорад?”
– 2 моҳ ҳабси пешакӣ – рӯзноманигори тоҷик Далер Шарифов ба “Барангехтани кинаю адовати миллӣ, нажодӣ, маҳалгароӣ ва ё динӣ” гумонбар шудааст. Адвокатҳои ӯ рӯзи 31-уми январ ба суди шаҳри Душанбе нисбат ба қарори иҷозати ҳабси ӯ шикоят бурданд. Талаби ҳимоятгарон: ин рӯзноманигор ба ҷамъият хавф надорад ва бояд озод карда шавад.
– Трактори худсохт дар деҳа – сокини ноҳияи Шамсиддин Шоҳин як мошини нав барои ҷуфту шудгор тарроҳӣ кардааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
