Дар натиҷаи боронҳои сели пуршидат дар ҷазираи Кюсю, ки дар ҷанубу ғарби Ҷопон воқеъ аст, дар дарёҳо обехезиву лойқа фаромада, дастикам 50 нафар ҷон бохтанд.
Тавре Euronews иттилоъ медиҳад, чанде қабл ҳукумати маҳаллӣ дар бораи ба ҷойи бехавф кӯчонидани наздики 1,22 млн нафар аҳолии ҷазира дастур дода буд. Сарвазири Ҷопон Синдзо Абэ баҳри кумак ба хадамоти наҷотдиҳии маҳаллӣ наздики 10 ҳазор нафар хизматчиёни ҳарбии худмудофиаро ба минтақаи офати табиӣ сафарбар кард.
Сарвазир таъкид доштааст, ки дар робита ба хатари паҳншавии коронавирус, дар марказҳои кӯчбандӣ тамоми тадбирҳои зарурии пешгирӣ аз сироятёбӣ андешида хоҳанд шуд.
Раёсати миллии обуҳавошиносии кишвар аз имрӯз низ идомаи боришот, хавфи ҷиддии обхезӣ дар дарёҳо, фаромадани ярчу лойқа ва эҳтимоли зери об мондани қаламравҳои васеъ ҳушдор додааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
