Муштзани тоҷик Асрор Воҳидов (13-1) муқобили қаҳрамони дукаратаи олимпӣ аз Куба Робейс Рамирес ба толор намебарояд: рақобат барои дарёфти камарбанди WBC Eurasia расман бекор шуд.
Тавре ки маълум шуд, пеш аз рақобат ҳарду муштзан аз расмиёти ҳатмии санҷиши допинг гузаштанд. Аз рӯйи натиҷаҳои санҷиш нақзи қоидаҳо ошкор шуда, дар ҷисми варзишгари Куба мавҷудияти маводи манъшуда ошкор шуд.
Пас аз ин раҳбарияти дивизиони WBC Eurasia тасмим гирифт, ки рақобатро бекор кунад. Ба ин тариқ, қувваозмоӣ барои дарёфти камарбанд доир нагардида, он ҳоло ҳам бесоҳиб аст.
Оянда чӣ мешавад?
Бо вуҷуди бекор шудани рақобат, вазъ дар ниҳоят ба нафъи муштзани тоҷик анҷом ёфт. Бо қарори дастандаркорон Асрор Воҳидов мавқеи худро дар раддабандӣ ҳифз мекунад ва ҳатто беҳтар менамояд.
Илова бар ин, аллакай маълум аст, ки баъди моҳ ӯ имкон пайдо мекунад, ки барои дарёфти камарбанди WBC Eurasia мубориза барад. Ин маънои онро дорад, ки роҳи мубориза барои дарёфти камарбанд ба муштзани тоҷик боз аст.
Ёдрас мекунем, ки рақобати Воҳидов – Рамирес дар аввал ба сифатаи рақобати асосӣ дар доираи мусобиқаи RAIZD Boxing дар Тошканд баррасӣ мешуд. Барои муштазани тоҷик ин як имконе маҳсуб меёфт барои муарриффи худ дар арсаи байнулмилалӣ, зеро рақибаш муштзани маъруфи миқёси ҷаҳонӣ ва дорои унвонҳои олимпӣ ва камарбанди WBO дар гузашта буд.
Аммо сенария тағйир ёфта, лекин ҷолибият боқӣ монд. Гузашта аз ин, ба маъное вазъ ҳатто мусоидтар шуд: Воҳидов аз ҳарифи ниҳоят душвор канор монда, барои омодагӣ ба муҳорибаи нави дарёфти унвон вақти иловагӣ ба даст овард.
