Душанбе. 20-уми апрел. ОИ «Азия-Плюс» – Ҳизби Наҳзати Исломии Тоҷикистон бахшида ба ҳаёту фаъолияти Имоми Аъзам конфронс доир сохт. Дар суханронии худ раиси ҲНИТ Муҳиддин Кабирӣ аз аъзои ҳизб даъват ба амал овард, ки ташаббуси сарвари давлатро пуштибонӣ намуда, дар чорабиниҳои бахшида ба Соли бузургдошти Имоми Аъзам фаъолона ширкат варзанд.

           

Дар ҳамин ҳол, чанде аз фаъолони ҳизб дар робита ба баргузории чорабиниҳои давлатӣ бахшида ба ин ҷашн изҳори норозигӣ карданд.

           

Дар маърӯзаи худ раиси бахши фалсафаи Фарҳангистони улуми Тоҷикистон Абдувоҳид Шамолов аъзои ҳизбро ба таҳаммулпазирӣ даъват карда, изҳор дошт, дар ин росто мебояд муколамаро бо ҳукуматдорон идома дод.

           

Қобили зикр аст, ки намояндагони корпусҳои дипломатии кишварҳои мусулмони муқими Тоҷикистон низ ба конфронс даъват шуда буданд.

Душанбе. 20-уми апрел. ОИ «Азия-Плюс» – Чанде қабл писари президенти Тоҷикистон – Рустами Эмомалӣ якдилона муовини раиси Иттифоқи ҷавонони Тоҷикистон интихоб карда шуд.

Дар анҷумани


IX


-уми ғайринавбатии Иттифоқи ҷавонон, ки дар кори он 120 вакил аз тамоми манотиқи кишвар иштирок доштанд, инчунин раиси Кумитаи кор бо ҷавонон, варзиш ва сайёҳии ҶТ Маликшо Неъматов раиси нави Иттифоқи ҷавонон интихоб гардид.

Ба гуфтаи раиси нави Иттифоқи ҷавонони Тоҷикистон, интихоби Рустами Эмомалӣ ба вазифаи муовини раиси Иттифоқи ҷавонон ба таҳкими иттифоқ ва рушди фаъолияти минбаъдаи он таъсири мусбат хоҳад гузошт. Бо ишора ба ташкил кардани дастаи футболи «Истиқлол» ва иштироки муваффақонаи он дар мусобиқоти қаҳрамонии дастаҳои лигаи олии ҷумҳурӣ, М.Неъматов гуфт, ин худ таҷассумгари дастгирии соҳаи варзиш аз ҷониби Рустами Эмомалӣ аст.

М.Неъматов афзуд, Рустами Эмомалӣ хатмкунандаи факулати иқтисодиву молиявии Донишгоҳи миллии Тоҷикистон буда, феълан шунавандаи Донишгоҳи давлатии Маскав аст ва дар Кумитаи сармоягузорӣ ва идораи амволи давлатии ҶТ фаъолият дорад.

Душанбе. 20-уми апрел. ОИ «Азия-Плюс» – Дар муқоиса бо соли гузашта дар семоҳаи аввали соли ҷорӣ истеҳсоли маҳсулоти кишоварзӣ зиёд шуд.

Тавре аз Вазорати кишоварзии ҷумҳурӣ ба ОИ «Азия-Плюс» хабар доданд, дар зарфи се моҳи соли равон дар маҷмӯъ, ба маблағи 386,3 млн. сомонӣ маҳсулоти кишоварзӣ истеҳсол гардидааст, ки нисбат ба ҳамин давраи соли гузашта 8,7 дарсад бештар мебошад.

Ба иттилои манбаъ, дар бахши рустанипарварӣ тавлиди маҳсулот ба андозаи 8,7 ва чорводорӣ ба миқдори 8,5 дарсад афзуд.

Ёдрас мекунем, ки тибқи маълумоти вазорат, феълан дар кишвар 31 ҳазору 662 хоҷагии деҳқонӣ фаъолият доранд.

           

Душанбе. 19-уми апрел. ОИ «Азия-Плюс» – Имрӯз масеҳиёни православии Тоҷикистон бузургтарин иди динии худ – Пасха ё эҳёи Исои Масеҳро дар калисои Свято-Николскии шаҳри Душанбе ҷашн мегиранд.

Тибқи ривояти китобҳои муқаддаси дини насронӣ, Исои Масеҳ дар рӯзи чаҳоруми чормех шуданаш аз нав эҳё гардид, ки он рамзи пирӯзӣ бар гуноҳ ва марг буда, подоши ранҷу машаққат шумурда мешавад.

Масеҳиён дар ин рӯз бо нидоҳои «Исо зинда шуд!» ҳамдигарро шодбош мегӯянд.

              

Душанбе 18-уми апрел Имрӯз дар ҷашни Р


ӯ


зи пойтахт дар шаҳриДушанбе 8 иншооти


ҷ


ашн


ӣ


ва наздики 30 ҳазор метри мураббаъ манзил супорида шуд.

Дар к


ӯ


чаҳои Валаматзода ва Ҳофизи Шерозии пойтахт 6 бинои 9-ошёнаи истиқомат


ӣ


мавриди истифода қарор дода, шуданд, ки шаҳодати раванди бунёдкорию созандаг


ӣ


дар пойтахт аст. Инчунин, як қатор Марказҳои савдо, таваққуфгоҳҳо, марказҳои техник


ӣ


мавриди баҳрабардор


ӣ


қарор гирифтанд.

               

Ҳамзамон, дар Р


ӯ


зи пойтахт бо мусоид омадани боду ҳаво сокинон ва кормандони идораю муассисаҳои гуногуни пойтахт ба ҳашари умумишаҳр


ӣ


баромада, дар тозаю обод гардонидани маҳали зист, коргоҳ, к


ӯ


чаю хиёбонҳои шаҳр ва соҳилҳои дарёи Душанбе саҳми муносиб гузоштанд. Дар ин бора АМИТ “Ховар” хабар медиҳад.

Душанбе. 18-уми апрел. ОИ «Азия-Плюс» – Рӯзҳои 19-21-уми апрел дар шаҳри Алмаато таҳти унвони «Асноди байнулмилалии қонунгузорӣ дар бахши захоири обӣ ва баргузории гуфтушунид оид ба имзорасии созишномаҳои мутақобилан судманд дар масъалаи истифодаи об» семинар доир мегардад. Чорабинии мазкур аз ҷониби Маркази минтақавии дипломатияи превентивӣ дар Осиёи Марказӣ дар ҳамдастӣ бо Комиссияи иқтисодии СММ оид ба Аврупо созмон дода мешавад.

Тибқи иттилои Маркази минтақавии дипломатияи превентивӣ дар Осиёи Марказӣ, чорабинии мазкур мансабдорони воломақоми ҳукуматҳои кишварҳои минтақа ва коршиносони байнулмилалии ин соҳаро гирди ҳам меорад.

Гуфта мешавад, иштирокдорони семинар оид ба қонуну асноди меъёрии мавҷуда дар соҳаи истифодаи захоири обӣ табодули афкор намуда, аз таҷрибаи пешқадами ҳалли мушкилоти ин соҳа дар сатҳи байнулмилалӣ ва истифодаи пурсамари он натиҷагирӣ хоҳанд кард.