Home Blog Page 51

Тақвими мусобиқоти қаҳрамонии футболи Тоҷикистон-2026 нашр шуд. Кадом даста, кай ва бо кадом тим бозӣ мекунад?

By
admin
-
0

Лигаи футболи Тоҷикистон тақвими 35-умин мусобиқоти қаҳрамони-и футболи Тоҷикистонро дар соли 2026 тасдиқ кард.

Ба иттилои Федератсияи футболи Тоҷикистон, мусобиқоти қаҳрамонии футболи Лигаи олии Тоҷикистон рӯзи 6-уми марти соли равон оғоз шуда, 7-уми ноябр ба анҷом мерасад. Он бо иштироки 12 даста дар ду давр баргузор шуда, ҳар кадоме аз тимҳо 22 бозӣ мегузаронанд.

 

Дастаҳои иштирокчии мусобиқа:

1. "Истиқлол" (Душанбе)

2. "КВМА" (Душанбе)

3. "Вахш" (Бохтар)

4. "Равшан" (Кӯлоб)

5. "Хуҷанд" (Хуҷанд)

6. "Эсхата" (Хуҷанд)

7. "Ҳосилот" (Фархор)

8. "Регар-ТадАЗ" (Турсунзода)

9. "Сардор" (Турсунзода)

10. "Барқчӣ" (Ҳисор)

11. "Истаравшан" (Истаравшан)

12. "Парвоз (Бобоҷон Ғафуров).  

Бояд гуфт, ки дастаи “Парвоз”-и ноҳияи Бобоҷон Ғафуров баъди 10 соли танаффус ба мусобиқаҳои Лигаи олии футболи Тоҷикистон бармегардад.

Бо тақвими пурраи мусобиқот метавонед дар ин пайванд шинос шавед.

Ҳамчунин, бозиҳо барои дарёфти Ҷоми футболи Тоҷикистон низ баргузор мешаванд. Вохӯрӣ барои соҳиб шудан ба Суперҷоми футболи Тоҷикистон байни дастаҳои “Истиқлол” ва “Регар-ТадАЗ” рӯзи 23-юми май дар Ҳисор доир мегардад.

Мувофиқи регламенти мусобиқа, дастае, ки зинаи охирро касб мекунад, мустақиман ба Лигаи поёнӣ фаромада, тими зинаи 11-ум барои ҷой дар Лигаи олӣ бо дастаи дорандаи медалҳои нуқраи мусобиқоти қаҳрамонии Лигаи якум рақобат мекунанд. Зинаи аввали Лигаи якум мустақиман ба Лигаи олӣ роҳ меёбад.

Дар Telegram, Facebook ва Instagram бо мо бимонед.

“Аудиокитоб” бо Субҳон Ҷалилов. Асари “Таърихи инқилоби Бухоро”-и Садриддин Айнӣ |Қисми 34

By
admin
-
0

Лоиҳаи “Аудиокитоб” бо Субҳон Ҷалилов ба хондани асари "Таърихи инқилоби Бухоро"-и Садриддин Айнӣ, Қаҳрамони Тоҷикистон оғоз кард. Дар нашри навбатӣ, қисми сиву чаҳоруми ин асари таърихӣ манзури ҳаводорони китоб мешавад.

Ҳадафи лоиҳаи “Аудиокитоб” бо Субҳон Ҷалилов сабти китобҳои савтӣ ва пешниҳоди он ба хонандаву шунавандааш тавассути радио, сомона ва саҳифаҳои худ дар шабакаҳои иҷтимоӣ ва ба ин васила тарғиби ҷомеа ба мутолиаи китоб мебошад.

Қаблан, лоиҳаи “Аудиокитоб” ҳикояҳо аз “Маснавии маънавӣ”-и Ҷалолиддини Балхӣ, “Дардҳои гиреҳхӯрда”-и Иноят Насриддин, ҳикояҳои Антон Чехов, романи “Киштии Нӯҳ” ва маҷмӯи ҳикояҳои Юнус Юсуфиро дар шакли савти манзури хонандагон ва шунавандагон карда буд.

Ин бор таҳиякунандагони лоиҳа ба хондани асари таърихии "Таърихи инқилоби Бухоро"-и Садриддин Айнӣ, Қаҳрамони Тоҷикистон оғоз карданд.

Китобҳои савтӣ ҳамарӯза тариқи радиои “Азия-Плюс” пахш мегардад ва ровии он Субҳон Ҷалилов, рӯзноманигор ва директори барномавии радиои “Азия-Плюс” аст.

Cабти китобҳои савтиро аз саҳифаи “Телеграм”-и бахши тоҷикии хабаргузорӣ метавонед гӯш кунед.

Дар Telegram, Facebook ва Instagram бо мо бимонед.

Чӣ гуна ҳавои гарми моҳи феврал ба ҳосили маҳсулоти кишоварзӣ зарар мерасонад?

By
admin
-
0

Ҳавои аз меъёри муқаррари гарми моҳи феврали имсола нигаронии ҷиддии деқонону кишоварзонро ба миён овардааст. Барвақт бедор шудани боғҳо, хавфи бозгашти сардиҳо ва норасоии намӣ метавонанд ба талафоти ҳосил ва хароҷоти иловагӣ барои деҳқонон оварда расонанд.

Феврал дар Тоҷикистон маъмулан моҳи сардӣ аст:. Шабҳо хунук мешавад, дар доманакӯҳҳову кӯҳҳо барф меборад ва ҳаво нисбатан сард мешавад. Вале дар соли 2026 вазъ дигар аст ва тибқи арзёбии ҳавошиносон, дар ин моҳ ҳаво аллакай, дар аксари минтақаҳо, тақрибан 1 -2 дараҷа гармтар аз меъёри иқлимӣ мебошад.

Барои соҳаи кишоварзӣ гармии барвақтӣ хавф аст, зеро аксаран он бо тағйирёбиҳои ҳаво меояд: ивазшавии босуръати ҳарорат, борон ба ҷойи барф ва шамолу фаромадани туманҳо.

Бино ба маълумоти Оҷонсии ҳавошиносӣ, моҳи феврал дар вилояти Хатлон ва водиҳои ноҳияҳои тобеи марказ ҳарорати миёнаи моҳона баландтар аз меъёри иқлимӣ пешгӯӣ шудааст. Дар вилояти Суғд ва ВМКБ ҳарорат дар ҳудуди меъёр ва каме зиёдтар аз он пешбинӣ мешавад (ба истиснои ноҳияҳои шарқи ВМКБ, ки дар ин ҷо шабона сардӣ пешбинӣ шудааст).

Ҳавошиносон алоҳида дар бораи ҳавои ноуствуор ҳушдор дода буданд: ҳавои аз самти ғарб омада, ба водиҳо борон, ба кӯҳҳо борону барф ва ба балндкӯҳҳо барф меорад.

 

“Агар сардиҳо оянд, ҳосил талаф меёбад”

МАТЕРИАЛЫ ПО ТЕМЕ
Ҳавои Тоҷикистон дар моҳи феврал. Аз маъмулӣ гармтар ва тағйирёбанда

Нигаронии асосии кишоварзону боғдорон оддӣ аст: гармии барвақтӣ растаниҳоро бедор карда, сардии ногаҳонӣ метавонад муғчаву гули онҳоро нобуд созад. Деҳқонон мегӯянд, агар барф дар фасли зимистон набораду сардӣ дар вақти нашъунамои растаниҳо ояд, ҳосил талаф меёбад.

Қабати барф барои замину боғҳо ба истилоҳ як навъ “кӯрпа”. Он зироатҳои тирамоҳиро ҳифз карда, намиро дар хок нигоҳ медорад ва хавфи яхкунии решаро кам мегардонад.

Вақте ба ҷойи барф, замин хушку гарм аст, растаниҳо аз вақти маъмулӣ тезтар ба нашъунамо оғоз мекунанд ва захираи намӣ дар хок камтар мешавад.

Бахусус, зардолуву шафтолу, бодом ва ангур осебпазиранд, ки ба тағйирёбиҳои босуръати ҳаво ҳассосанд. Агар охири моҳи феврал ё аввали моҳи март ҳарорат якбора аз сифр поён равад, дарахтони гулкардаро хунук мезанад. Ин ҳолат на танҳо барои хоҷагиҳои деҳқонӣ, балки барои бозорҳо ҳам хатари ҷиддӣ аст, зеро камчинии мева ба нархҳо таъсир мерасонад.

 

Кишоварзон мегӯянд, сардиҳои бозгаштаи солҳои пешин заҳмати чандинмоҳаи онҳоро барбод дода буд. Аз ин рӯ, гармии ҳозираи моҳи феврал на ҳамчун баҳори деринтизор, балки ба сифати муждаи озмоиши навбатӣ қабул мешавад.

 

МАТЕРИАЛЫ ПО ТЕМЕ
Созмони ҷаҳонии метеорологӣ. Дар Осиёи Марказӣ ҳаво аз меъёр зиёдтар гарм мешавад, ки хеле ташвишовар аст

Пас чӣ бояд кард?

Мутахассисон таъкид мекунанд, ки дар шароити ноустувории иқлимӣ роҳи ҳалли мушаххасу умумӣ нест..

Қурбоналӣ Партоев, доктори илмҳои кишоварзӣ тавсия медиҳад, ки кишоварзон яхобмонии зимистона гузаронанд. Ба гуфтаи ӯ, чунин тадбир ба нигаҳдории намӣ дар хок ва ҳамзамон, кам кардани фаъолнокии ҳашароти зараррасон, ки дар зимистони гарм бисёртар зинда мемонанд, имкон медиҳад.

"Ғайр аз ин, кишоварзонро зарур аст, ки аз барои нигоҳ доштани намӣ ва устувор кардани ҳарорати замин  замин ё хокро бо маводи органикӣ пӯшонанд. Ин махсусан, дар вақти набудани қабати барф, ки вазифаи муҳофизатиро иҷро мекунад, муҳим аст", – тавсия дод ин олими тоҷик.

Зимнан, боғдорон пешакӣ ба эҳтимоли баргаштани сардиҳо омодагӣ мегиранд. Дар хоҷагиҳо, масъалаи пӯшидани растаниҳои ҳассос, истифодаи "плёнка", дудмонӣ ва ҳатто гармкунии қитъаҳои боғ баррасӣ мешавад.

 

Пас аз таҷрибаи солҳои пешин, аксаран дарк мекунанд, ки ҳатто поинравии кӯтоҳмуддати ҳарорат ба ҳосили кишоварзон зарар мерасонад.

Доимо огоҳ будан аз пешгӯии ҳавошиносон низ муҳим аст. Кишоварзон доимо кӯшиш мекунанд, ки огоҳиҳои ҳавошиносонро дар бораи сардиву пурзӯр шудани вазиши шамол ва боришот ба инобат гиранд, то ки саривақт омода шуда, хавфҳоро ба ҳадди поинтарин расонанд.

 

МАТЕРИАЛЫ ПО ТЕМЕ
Чолиши нав. Чаро ҳаво дар Тоҷикистон гарм мешавад ва чӣ тавр метавон ба он мутобиқ шуд?

Феврали гарм на ҳамеша хуб аст

Гармии ғайримуқаррарӣ барои сокинони шаҳрҳо имкони ҳаловат бурдан аз офтоб аст Вале барои деҳқонон гармии моҳи феврал нигаронкунанда аст. Ҳар гуна тағйирёбии маъмулии мавсим, метавонад ба талафоти имконпазири молиявӣ боис гардад.

Ҳар қадаре, ки зимистон ба баҳор монанд бошад, ҳамон қадар як андеша бештар садо медиҳад: на худи гармӣ, балки пешгӯинашавандагии он хавфнок аст. Вақте ки пас аз баҳори моҳи феврал, сардиву шамоли сахт ва барфи тар бармегарданд, оқибатҳои манфии он метавонад тамоми сол идома кунад.

Маҳз гармии кунунӣ дар моҳи феврал дар Тоҷикистон на танҳо хурсандӣ меорад, балки боису ташвишу нигаронӣ дар манотиқи деҳот мегардад.

Дар Telegram, Facebook ва Instagram бо мо бимонед.

Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 25 феврали соли 2026

By
admin
-
0

ЧОРАБИНИҲОИ МУҲИМ

– Имрӯз соати 18:00 дар Театри давлатии опера ва балети ба номи Садриддин Айнӣ операи Чайковский – “Иоланта” намоиш дода мешавад. Арзиши чипта вобаста ба ҷойи нишаст аз 33 то 55 сомонӣ аст.

ЯК РӮЗИ ТАЪРИХ

Соли 1932 – Иҷлосияи якуми Иттифоқҳои касабаи Тоҷикистон баргузор шуд.

Соли 1947 – Техникуми тарбияи ҷисмонии Тоҷикистон, ки баъдан, соли 1971 Донишкадаи тарбияи ҷисмонии Тоҷикистон ба номи Саидмуъмин Раҳимов шуд, таъсис ёфт.

Соли 2015 – Ба Қонун “Дар бораи рӯзҳои ид” тағйиру илова ворид гардид, ки тибқи он ҳамасола 14-уми октябр дар Тоҷикистон Рӯзи соҳибкорон таҷлил мешавад.

Соли 2016 – Эмомалӣ Раҳмон ба бунёди “Боғи 25-солагии Истиқлоли давлатии Тоҷикистон” дар шаҳри Ҳисор оғози расмӣ бахшид.

Соли 2016 – Донишгоҳи давлатии тиббии Хатлон таъсис ёфт.

 

ШАХСИЯТҲО

Соли 1925 – Зодрӯзи Мирзо Бобоҷонов, ходими ҷамъиятӣ.

Соли 1928 – Мавлуди Амир Ҳушанг Ибтиҳоҷ (Соя), шоир ва пажӯҳишгари эронӣ, ки дар Тоҷикистон низ маъруфият дорад.

Ҳушанг Ибтиҳоҷ шоири барҷаста ва пажӯҳишгари адабӣ, бунёдгузори Анҷумани адибони Эрон дар нахустин дафтари шеъри худ – "Нахустин нағмаҳо"  бештар аз Ҳофиз таъсир пазируфтааст, аммо дар дафтари баъдии худ- "Сароб" тақрибан ба навъе ба истиқлол расидааст ва ин китоб аз ҳайси қолабҳои шеърӣ ва аз ҳам аз диди навоварию баёни дарёфтҳо ва таҷоруби шахсӣ ва завқӣ чашмгир аст.

Соя дар Тоҷикистон ҳам ҳаводори зиёд дошт. Ӯ дар байни шоирону нависандагони Тоҷикистон низ  аз эҳтироми зиёд бархурдор буд ва чанд шоири саршиноси кишвар, ба мисли Лоиқ Шералӣ, Бозор Собир ва Гулрухсор дар солҳои гуногун барои ӯ шеърҳо бахшидаанд.

"Лаби хомӯш" шеъри маъруфест аз Соя, ки мардуми Тоҷикистон онро бо садои ҳунармандони маҳбуб Аҳмад Зоҳир ва Зафар Нозим шунидаанду хоҳанд шунид.

Соя 10 августи соли 2022 дар синни 94-солагӣ дар Олмон аз олам даргузашт.

Соли 1929 – Зодрӯзи Тоҳир Умаров, муаррихи тоҷик.

Соли 1955 – Зодрӯзи Шамсиддин Насриддинов, рӯзноманигор ва шореҳи варзиш.

Шамсиддин Насриддинов, ки аз соли 1980 узви Иттифоқи журналистони Тоҷикистон аст, фаъолияти касбии худро соли 1972 пас аз хатми факултаи филологияи Донишкадаи давлатии педагогии Душанбе оғоз намуда, дар рӯзномаву маҷаллаҳои бонуфузи кишвар ва хориҷ аз он фаъолият кардааст.

Ӯ солҳо дар нашрияҳои “Комсомоли Тоҷикистон”, “Тоҷикистони советӣ”, “Ҷумҳурият”, “Азия-Плюс” ва дигар расонаҳо фаъолият карда, бо навиштаҳои таҳлилӣ, очеркҳо ва мусоҳибаҳояш шинохта шудааст. Шамсиддин Насриддинов солҳои 2004-2008 дар рӯзномаи “Азия-Плюс” кор кардааст. Соли 2008 ҳамчун шореҳи варзишь дар Бозиҳои олимпии Пекин ширкат варзида буд.

Соли 1956 – Зодрӯзи Санавбарбону Воҳидова, доктори илми таърих, профессор.

Соли 1958 – Мавлуди Маҳмадсафар Муродов, овозхон ва фалаксарои тоҷик, Ҳофизи халқии Тоҷикистон.

Маҳмадсафар Муродов яке аз фалаксароёни тоҷик буда, қариб бист навъи онро иҷро мекард. Ӯ ҳангоми хониш бештар дутору найро ба кор мебурд ва як силсила таронаҳо, аз ҷумла “Меҳру вафо”, “Дардманди ишқ”, “Ба сайри гул наомад”, “Фарзанди замин”, “Даргоҳи умед”, “Дилрабо”-ро бо маҳорати баланд иҷро кардааст.

Вай солҳои 1977-1979 роҳбари бадеии Хонаи маданияти деҳаи Меҳнатобод, солҳои 1979-1992 овозхони ансамбли тарона ва рақси “Чашма”-и ноҳияи Восеъ ва аз соли 2012 то охири умр коргардони ансамбли этнографии назди Раёсати фарҳанги вилояти Хатлон буд.

Маҳмадсафар Муродов 1-уми ноябри соли 2024 дар синни 66-солагӣ дар ноҳияи Восеъ даргузашт.

Соли 1985 – Зиёдулло Шаҳидӣ, ҳунарпеша ва оҳангсози маъруфи тоҷик дар синни 70-солагӣ аз олам даргузашт.

Зиёдулло Шаҳидӣ барои ташаккули санъати мусиқии касбии тоҷик саҳми арзанда дорад. Асарҳои эҷоднамудаи ин поягузори мусиқии касбии тоҷик на танҳо дар Тоҷикистон ва Осиёи Марказӣ, балки дар бисёр кишварҳои олам мақоми махсус дорад. Шаҳидӣ муаллифи беш аз 225 асари мусиқӣ буда, ҳар яки онҳо дар санъати мусиқии тоҷик ҷойгаҳи худро дорад.

Шаҳидӣ бо осори классикон, аз қабили Рӯдакию Фирдавсӣ, Ҳофизу Хайём ва Бедил, аз дурдонаҳои беназири “Шашмақом” огаҳии хос дошт ва албатта ин ганҷинаи бебаҳои ниёгони миллати мо ба эҷодиёти пурғановати ӯ таъсири амиқ расонидааст.

Матлаби “Азия Плюс”-ро бахшида ба 110-солагии ин ҳунарпешаи тоҷик бо номи Баъди мурдан шӯълаи овози ман хомӯш нест… Ёде аз Зиёдулло Шаҳидӣ, ки 110 сола шуд, ки соле пеш таҳия гардида буд, мутолиа кунед.

Соли 1952 – Зодрӯзи Исматулло Ибодов, журналист ва муассиси рӯзномаи “Боҷу хироҷ”, нашрияи расмии Кумитаи андози Тоҷикистон.

Исматулло Ибод, ки маҳз бо кӯшиши ӯ соҳаи андози кишвар соҳиби нашрия шуд, як муддат дар нашрияи “Комсомоли Тоҷикистон” (ҳоло “Ҷавонони Тоҷикистон”) фаъолият дошт. Нашрияе, ки ӯ бо гуруҳи худ таъсис дод, "Паёми андоз” ном дошт, ки ҳоло бо номи "Боҷу хироҷ" мунташир мешавад.

Исматулло Ибодов дар баробари журналистӣ шеър ҳам менавишт ва узви Иттифоқи нависандагони Тоҷикистон буд. Шеърҳояш дар маҷмӯаи "Раҳоварди сафед", "Накҳати Ромит", "Муниси дил", “Осмони чашм” ва “Марвориде аз дарёи ақл” нашр шудаанд.

Ӯ 6-уми майи соли 2019, дар 67-солагӣ даргузашт.

 

САНАҲОИ МУҲИМИ ҶАҲОНӢ

Рӯзи 25 феврали соли 1956 Анҷумани XX Ҳизби Коммунистии Иттиҳоди Шӯравӣ баргузор гардид, ки дар он Никита Хрушёв “Дар бораи шахспарастӣ ва пайомадҳои он” гузориши худро ироа карда, Сталинро танқид ва дар бораи корҳои ӯ далелҳо пешниҳод кард.

Маърӯза махфӣ буд. Аммо аллакай дар аввали моҳи март брошюрае бо муҳри “барои нашр нест” ба тамоми ташкилотҳои ҳизбӣ фиристода шуд. Ҳамин тариқ, “пӯшидагӣ”-и маърӯза танҳо шартан буд, гарчанде ки он расман танҳо дар соли 1989 нашр гардид. Маърӯза таваҷҷуҳи ҷомеаи ҷаҳониро ба худ ҷалб кард ва ба забонҳои гуногун тарҷума шуда, ҳатто дар доираҳои ғайрикоммунистӣ низ паҳн гардиданд.

25 феврали соли 1836 Сэмюэл Колт, ихтироъкор ва соҳибкори амрикоӣ барои револвери такрорзанандаи худкор дар Иёлоти Муттаҳида аввалин патенти худро гирифт. Ин силоҳ револвери 6-ҳуҷрадори калибри 36 буд, ки механизми гардиши автоматии барабанро ҳангоми кашидани гаштак истифода мебурд.

Даҳ рӯз пас аз гирифтани патент, Колт ширкати “Patent Arms Manufacturing Company”-ро дар шаҳри Патерсони иёлати Ню Ҷерсӣ таъсис дод. Аввалин модели револвери ӯ, ки бо номи “Colt Paterson” машҳур шуд, ба хотири макони истеҳсолаш чунин ном гирифт.

Ин силоҳ дар ибтидо маъмул набуд, аммо баъдан ҳангоми истифодаи он дар ҷангҳои Техас бар зидди Мексика (1836–1848) маҳбубияти зиёд пайдо кард. Аз ҳамин сабаб, баъдтар онро ҳамчун “Colt Texas” низ мешинохтанд. Бо такмили тарҳи револвер ва қарордод бо артиши ИМА, Кольт ширкаташро рушд дод ва силоҳҳои ӯ асоси револверҳои муосир гардиданд.

 

ВАЗЪИ ҲАВО*

Дар вилояти Суғд – Ҳавои тағйирёбандаи бебориш пешгӯӣ мешавад. Ҳарорат: дар водиҳо рӯзона 14+19º гарм, дар ноҳияҳои кӯҳӣ рӯзона 8+13º гарм, дар водиҳо шабона 2+7º гарм, дар ноҳияҳои кӯҳӣ шабона 1-6º сард.

Дар вилояти Хатлон – Ҳавои тағйирёбандаи бебориш пешгӯӣ мешавад. Ҳарорат: дар водиҳо рӯзона 21+26º гарм, дар доманакӯҳҳо рӯзона 15+20º гарм, дар водиҳо шабона 5+10º гарм, дар ноҳияҳои доманакӯҳӣ шабона 1+6º гарм.

Дар шаҳру ноҳияҳои тобеи ҷумҳурӣ – Ҳавои тағйирёбандаи бебориш пешгӯӣ мешавад. Ҳарорат: дар водиҳо рӯзона 19+24º гарм, дар ноҳияҳои кӯҳӣ рӯзона 7+12º гарм, дар баъзе ноҳияҳо то 3+5º гарм, дар водиҳо шабона 4+9º гарм, дар ноҳияҳои кӯҳӣ шабона 5-10º сард, дар баъзе ноҳияҳо то 0+2º гарм.

Дар Вилояти Мухтори Кӯҳистони Бадахшон – Ҳавои тағйирёбандаи бебориш пешгӯӣ мешавад. Ҳарорат: дар ғарби вилоят рӯзона 11+16º гарм, дар шарқи вилоят рӯзона -2+3º, дар баъзе минтақаҳо то 5-7º сард, дар ғарби вилоят шабона 3-8º сард, дар баъзе ноҳияҳо то 0+2º гарм, дар шарқи вилоят шабона 14-19º сард, дар баъзе минтақаҳо то 33-35º сард.

Дар шаҳри Душанбе – Ҳавои  тағйирёбандаи бебориш пешгӯӣ мешавад. Ҳарорат: рӯзона 22+24º гарм, шабона 6+8º гарм.

Дар шаҳри Хуҷанд – Ҳавои тағйирёбандаи бебориш пешгӯӣ мешавад. Ҳарорат: рӯзона 16+18º гарм, шабона 4+6º гарм.

Дар шаҳри Бохтар – Ҳавои тағйирёбандаи бебориш пешгӯӣ мешавад. Ҳарорат: шабона 6+8º гарм, рӯзона 24+26º гарм мешавад. Ҳарорати ҳаво шабона 8+10º гарм, рӯзона 13+15º гарм мешавад.

Дар шаҳри Хоруғ – Ҳавои тағйирёбандаи бебориш пешгӯӣ мешавад. Шамол аз самти шарқ бо суръати 5-10м/с мевазад. Ҳарорати ҳаво шабона 4-6º хунук, рӯзона 11+13º гарм мешавад. Ҳарорати ҳаво шабона 5-7º хунук, рӯзона 6+8º гарм мешавад.

*Ҳарорати шабонаи ҳаво шаби 25 ба 26-уми феврал ба ҳисоб гирифта шудааст.

Дар Telegram, Facebook ва Instagram бо мо бимонед.

“Амонатбонк” кортҳояшро аз нав ба қайд мегирад. Муҳлати сабтином то кай аст ва далели он чист?

By
admin
-
0

Бонки давлатии амонатгузории Тоҷикистон “Амонатбонк” дорандагони ҳамаи кортҳои бонкиашро аз нав ба қайд мегирад ва дар сурати дубора сабтином накардан, хидматрасонии корт муваққатан қатъ мешавад. Сабтиноми онҳо то охири моҳи марти имсол давом карда, дар ҳолати пеш омадани зарурат, метавонад тамдид карда шавад.

Дар ин бора аз бонки мазкур ба “Азия-Плюс” хабар дода, гуфтанд, “Амонатбонк” ба ҳар як муштарии худ SMS-паёмак ирсол мекунад ва дар сурати ҳозир нашудан дар давоми 30 рӯзи баъди ирсоли паёмак, фаъолияти корти бонкӣ муваққатан қатъ мешавад. Баъди муроҷиат ба бонк ва аз нав ба қайд гирифтан, корти бонкӣ дубора фаъол мешавад.

Ба қавли манбаъ, бо назардошти теъдоди мизоҷон, бақайдгирӣ метавонад то семоҳаи аввали соли ҷорӣ идома ёбад.

Бонк иддао мекунад,  ки ин иқдомро бо ҳадафи “таъмини бехатарии молиявии мизоҷони худ ва шаффофияти амалиётҳо, инчунин коҳиш додани хавфҳои қаллобӣ” рӯйи даст гирифтааст.

Ба иттилои масъулин, бақайдгирӣ тавассути барномаи мобилии махсус дар 75 филиал ва 547 маркази хизматрасонии “Амонатбонк” сурат мегирад.

“Мизоҷон новобаста аз он ки дар кадом ноҳия қарор доранд ва корти худро аз кадом филиал гирифтаанд, метавонанд ба дилхоҳ филиал ё маркази хадамоти бонкӣ рафта, аз нав ба қайд гиранд”, – афзуд манбаъ.

Сабтиноми такрорӣ чунин сурат мегирад:

– Дорандагони корти бонкии “Амонатбонк” бо шиноснома ва корти худ ба дилхоҳ филиали бонк ҳозир мешаванд;

– Маълумоти корт ва рақами телефони мобилии мизоҷ дар замимаи барнома ворид карда мешавад;

– Акси корт, шиноснома ва азхудаксгирӣ (селфи)-и мизоҷ бо шиносномааш гирифта мешавад.

 

Ба гуфтаи масъулин, барои сабтиноми шахсони дорои маъюбият ва онҳое, ки имконияти ба бонк ҳозир шудан надоранд, масъулон “дар вақти ба мизоҷ мувофиқ ба макони зисти онҳо ҳозир шуда, аз нав сабтином мекунанд”.

Бояд гуфт, дар Тоҷикистон маоши кормандони бахши буҷетӣ, нафақа ва идрорпулиҳо тавассути корти “Амонатбонк” пардохт мешаванд.

Ёдрас мешавем, ки қаблан Оҷонсии суғуртаи иҷтимоӣ ва нафақаи кишвар аз шиносоии дубораи нафақахӯрон дар кишвар иттилоъ дода буд.

Нафақахӯронро акнун  зарур аст, ки барои гирифтани нафақа дар “Амонатбонк” низ дубора сабтином кунанд.

Ба иттилои “Амонатбонк”, далели дубора бақайдгирии нафақахӯрон ҳосил кардани итминон дар хусуси он аст, “ки  корти нафақавӣ маҳз дар дасти мизоҷ (нафақахӯр) буда, дастрасии он ба шахши сеюм маҳдуд аст”.

Дар Telegram, Facebook ва Instagram бо мо бимонед.

Хадамоти алоқа барои беҳтар кардани кори почта бо як ширкати хусусӣ $5 млн созишнома бастааст

By
admin
-
0

Хадамоти алоқа бо мақсади рушди хидматрасонии почта, аз ҷумла, рушди худкорсозии ҷараёни номанигорӣ (муросилот) бо ширкати хусусии “Сервис ва технология” ба маблағи 5 млн доллар созишнома ба имзо расонидааст. Ин ниҳод гуфтааст, лоиҳаи мазкур пурра аз ҳисоби ин шаркат сармоягузорӣ мешавад.

Ба навиштаи хадамот, созишномаи мазкур рӯзи 23-юми феврал имзо шуда, он ба рушди инфрасохтори соҳаи почта ва ҷорӣ кардани низоми муосири худкорсозии ҷараёни номанигорӣ мусоидат мекунад.

“Татбиқи лоиҳа имкон медиҳад, ки сифати хидматрасониҳо беҳтар гардида, равандҳои коркард, ирсол ва назорати муросилот мутобиқ ба стандартҳои муосири байналмилалӣ ба роҳ монда шаванд”, – навиштааст манбаъ.

Хадамоти алоқа гуфтааст, ки хидматрасониҳои логистикӣ ва иҷрои фармоишҳо низ беҳтар шуда, барои рушди харидуфурӯш дар интернет ва густариши бахши рақамӣ шароит фароҳам оварда мешавад.  

Ин ниҳод навиштааст, ки “дар натиҷаи татбиқи лоиҳа беш аз 150 ҷойи кори нави доимӣ таъсис ёфта, зиёда аз 500 корманди соҳаи почта ба ин кор ҷалб мешаванд”.

МАТЕРИАЛЫ ПО ТЕМЕ
Арзиши хидматрасонии “Почтаи тоҷик” боз гарон шудааст

Бояд гуфт, ки дар асоси қарори ҳукумат се корхонаи низоми алоқа – КВД “Почтаи Тоҷик”, КВД “Алоқаи махсус” ва КВД “Маркази марка” ба як корхона – Корхонаи воҳиди давлатии “Почтаи Тоҷикистон” муттаҳид карда мешаванд.

Почта номаву бастаҳои вазнашон аз 20 гр то 10 кг-ро қабул мекунад ва тамоми муросилот тариқи роҳи ҳавоӣ фиристода мешаванд. Барои ирсоли бори вазнаш беш аз 10 кг арзиши дучанд ситонида мешавад.

Аз 1-уми июни соли 2025 арзиши хадамоти КВД “Почтаи тоҷик” 10% гарон шуда, ирсоли номаи вазнаш то 100 гр барои аҳолӣ дар дохили кишвар аз 40 дирам то 1,75 сомонӣ ва ба хориҷ аз 4,40 сомонӣ то 15,20 сомонӣ муайян гардид.

Фиристодани бастаҳои вазнашон то 100 гр ба минтақаҳои Тоҷикистон аз 1,90 сомонӣ то 2,30 сомонӣ ва ба кишварҳои хориҷӣ 16,30 сомонӣ арзиш дорад. Бо нархномаи навшудаи “Почтаи тоҷик” метавонед ин ҷо шинос шавед.

Бояд гуфт, сатҳи хидматрасонии шуъбаҳои почтаи Тоҷикистон аз сӯйи шаҳрвандон интиқод мешаванд. Дар бештари ҳолат, дер қабулу ирсол кардани баста, гум шудани бор ва гаронии нархи хидматрасонӣ расонаӣ мешавад. 

Дар Telegram, Facebook, Instagram, OK ва ВК бо мо бимонед.

Нигаронии Рамазон Раҳимзода: Беш аз 5 ҳазор фолбину ҷодугару “муллоҳои дайду” рӯйхат шудаанд

By
admin
-
0

Дар Тоҷикистон беш аз 5 ҳазор фолбину ҷодугар ва “муллоҳои дайду” рӯйхат шудаанд, ки “мардумро ба тарафи терроризму экстремизм моил мекунанд”. Ин феҳрист аввали соли 2024 тартиб дода шуд ва дар он ҷодугарону фолбинҳо ва “муштариҳо”-и онҳо сабтином мешаванд.

Рамазон Раҳимзода, вазири корҳои дохилии Тоҷикистон рӯзи 12-уми феврал зимни нишасти матбуотӣ ба рӯзноманигорон перомуни “боварии мардум ба фолбину ҷодугарон” ҳарф зада, онро боиси нигаронӣ хонд.

Ба қавли вазир, ин ниҳод то аввали соли 2026 беш аз 5 ҳазор фолбину ҷодугару “муллоҳои дайду”-ро ба қайд гирифтааст.

“Худатон қазоват кунед. Мардум то ҳол боварӣ доранд ба сеҳру ҷоду. Ба фолбиниву ба муллоҳои дайду, ки мардумро ба тарафи терроризму экстремизм моил мекунанд”, – гуфт вазири корҳои дохилӣ.

Рамазон Раҳимзода аз он нигаронӣ кард, ки шаҳрвандони Тоҷикистон бо қарз ба умра мераванд, вале ҳамоно ба соҳириву фолбинӣ эътиқод доранд. Ба қавли ӯ, омори ба умра рафтаҳо танҳо дар соли гузашта ба 7,5 ҳазор тан мерасад.

 

Аммо вазири тоҷик нагуфт, ки соҳирону ҷодугарон сабтиномшуда чӣ ҷазо гирифтаанд.

Бояд гуфт, моҳи апрели соли 2024 ВКД иттилоъ дода буд, ки дар Тоҷикистон ҷодугарон, муллоҳои тӯмору таштобдиҳанда ва шахсони ба таълими ғайриқонунии динӣ машғулро рӯйхат мекунад.

Баъдтар, моҳи августи ҳамон сол ин ниҳод иттилоъ дод, ки акнун нафароне, ки ба назди фолбину ҷодугар мераванд, ба мақомот даъват карда, баъди тартиб додани мавод бо аксҳояшон дар махзани ВКД мегузорад.

Ба гуфтаи ВКД, ба онҳое, ки бо “мардумфиребӣ” зиндагиашонро пеш мебаранд, то 6 моҳ ҷазои меҳнати маҷбурӣ дода мешавад.

МАТЕРИАЛЫ ПО ТЕМЕ
То 4500 сомонӣ ҷарима. Барои истифода аз хидмати фолбину ҷодугар расман муҷозот таъин шуд

Мувофиқи тағйироти нав, ки ба моддаи 482-и Кодекси ҳуқуқвайронкунии маъмурии Тоҷикистон аз 21-уми июни соли 2024 ворид шудаанд, барои машғул шудан ба фолбинӣ ва ҷодугарӣ нисбати шахсони воқеӣ ҷарима ба андозаи аз 80 то 100 нишондиҳанда барои ҳисобҳо ё ҳабси маъмурӣ ба мӯҳлати аз 10 то 15 шабонарӯз таъин карда мешавад.

Илова бар ин, ба моддаи 240-и Кодекси ҷиноятии кишвар банди нав ворид карда шуд, ки тибқи он дар сурати такроран содир кардани ин кирдорҳо дар давоми як сол пас аз татбиқи ҷазои маъмурӣ, нисбати фолбинҳо парвандаи ҷиноятӣ оғоз карда мешавад. Онҳоро ҷарима ба андозаи аз 1500 то 2000 нишондиҳанда барои ҳисобҳо (аз 112 ҳазору 500 то 150 ҳазор сомонӣ) ё маҳрумият аз озодӣ ба мӯҳлати аз як то ду сол таҳдид мекунад.

Ёдовар мешавем, ки амалиёти боздошти соҳирону ҷодугарону фолбинон дар Тоҷикистон ду сол боз беш аз пеш идома дорад ва қариб дар ҳар як барномаҳои иттилоотии ВКД аз боздошти онҳо хабар дода мешавад.

Дар музофоти кишвар ҳам ин гуна амалиёт идома доранд. Ба вижа, баъди ба вазифаи сардори Раёсати ВКД дар Хатлон таъйин шудани генерал Шариф Назарзода ин раванд пурзӯр шудааст.

Дар Telegram, Facebook ва Instagram бо мо бимонед.

Як додраси собиқ барои гирифтани пора чор сол равонаи зиндон шуд

By
admin
-
0

Самандари Қаландар, додраси пешини ноҳияи Ҷалолиддини Балхӣ, ки ҳудуди 2 моҳ пеш бо фармони Эмомалӣ Раҳмон, раисҷумҳури Тоҷикистон “барои содир намудани кирдоре, ки шаъну эътибори судяро паст мезанад” аз мансаб озод шуда буд, барои гирифтани пора чор сол аз озодӣ маҳрум шудааст.

Дар ин бора Радиои Озодӣ бо такя ба як манбаъи худ дар Додгоҳи олии Тоҷикистон хабар дода, навишт, ки ҳукми ӯ аввали моҳи феврал содир шудааст. Ба иттилои манбаъ, Самандари Қаландар аз болои ҳукм шикоят накардааст ва “аз ҳукми содиршуда нисбаташ "қаноатманд аст".

Вале назари маҳкумшуда ва пайвандони ӯ ба расонаҳо дастрас нест.

Самандари Қаландар, додраси додгоҳи ноҳияи Ҷалолиддини Балхӣ 17-уми декабри соли 2025 бо фармони раисҷумҳур ва “бинобар содир намудани кирдоре, ки шаъну эътибори судяро паст мезанад” аз вазифа барканор шуда буд. Ҳамроҳи ӯ, ду додраси дигар ҳам айнан бо чунин иттиҳом аз мансаб барканор шуда буданд. тақдири минбаъдаи онҳо маълум нест.

Шавкат Лутфуллозода, муовини якуми раиси Додгоҳи олӣ 12-уми январ дар нишасти хабарӣ гуфт, ӯ даст ба “ҷинояти коррупсионӣ” зад.

Оҷонсии мубориза бо фасод низ, рӯзи 23-юми феврал навишт, ки Самандари Қаландар моҳи марти соли 2025 барои таъйин кардани ҷазои сабук як муҷозотшаванда 75 ҳазор сомонӣ талаб карда, дар утоқи кориаш аз ӯ 50 ҳазор сомонӣ “пора” гирифтааст.

МАТЕРИАЛЫ ПО ТЕМЕ
Се додрас “барои кирдоре, ки шаъну эътибори додрасро паст мекунад” аз вазифа барканор шуданд

Гуфта мешавад, ки ин додрас баъдан моҳи октябри соли 2025 аз аз ин шахс 25 ҳазор сомонии боқимондаро гирифтааст, вале дар натиҷа аз тарафи кормандони Оҷонсӣ мубориза бо фасод дар ҷойи ҳодиса дастгир шудааст.

Нисбати Самандари Қаландар бо иттиҳоми гирифтани пора (моддаи 319 қисми 3 КҶ) парвандаи ҷиноӣ боз шуда буд.

Дар Тоҷикистон беш аз 400 додрас фаъолият мекунанд, ки онҳо бо фармони президент таъин ва озод мешаванд. Шикоятҳо дар бораи фаъолияти додрасҳо дар ҷомеа кам нест ва бархе аз фаъолияти нодурусти онҳо шикоят мекунанд.

Эмомалӣ Раҳмон, раиси ҷумҳури кишвар низ борҳо аз кори додрасҳо интиқод ва аз фасодкорӣ дар ин соҳа нигаронӣ карда буд. Раисҷумҳур ду сол қабл дар як мулоқоти хосааш бо додрасҳои тоҷик аз кори онҳо сахт интиқод кард ва гуфт, ки аз ҳама бештар аз кори онҳо шикоят дастрас мекунанд.

Дар Telegram, Facebook ва Instagram бо мо бимонед.

Эътирофи мақомот: Аз се як ҳиссаи қарз аз барқ дар Тоҷикистон беасос аст

By
admin
-
0

Қариб аз се як ҳиссаи қарзи аҳолӣ аз истифодаи барқ, ки солҳои пеш ҳамчун қарз ҳисоб шудаанд, беасос эътироф ва бекор шудаанд. Айни замон мақомоти дахлдор аз се ду ҳиссаи боқимондаи қарзро месанҷанд.

Бино ба маълумоти ҶСК “Шабакаҳои тақсимоти барқ” (ШТБ), то аввали соли 2025 қарзи умумии аҳолӣ аз барқ 1 млрд 739 млн сомониро ташкил додааст. То аввали соли равон ин маблағ ба андозаи 33,2% ё худ 577 млн сомонӣ кам шуда, то 1 млрд 162 млн сомонӣ поин рафтааст.

МАТЕРИАЛЫ ПО ТЕМЕ
Ҳар рӯз 10 кас қариб 5 ҳазор сомонӣ ҷарима шудаанд. Оҷонсӣ дар як сол қариб 3800 касро барои “дуздии барқ” ҷазо додааст

Дар ширкат ба “Азия-Плюс” хабар доданд, ки маблағи бекоршуда барзиёд ҳисоб шудааст. Дар амал ин изофанависӣ буда, аз ин рӯ, онро дар ҳисоботи муҳосибӣ хориҷ кардаанд.

Санҷиши дурустии қисми боқимондаи қарз идома дорад. Агар нозирони барқ маблағҳои беасоси нави ҳисобшударо дарёфт кунанд, он ҳам аз эътибор соқит мешавад.

Дар ҳамин ҳол, маблағҳои қарзи саҳеҳ ҳисобшударо ба истифодабарандагон лозим меояд, ки дар муҳлати муқарраршуда пардохт намоянд. Барои қиқсм-қисм пардохтани он ба қарздорон муҳлати муайян дода мешавад.

Дар давраи санҷиш ба муштариёне, ки дар ҳисобот ҳамчунин қарздорон аз солҳои пешин зикр шудаанд, интиқоли барқ қатъ намешавад. Дар ШТБ инро чунин шарҳ доданд, ки аввал ба маълумоти қарздории онҳо муътамад шудан лозим аст, вагарна қисмати зиёди аҳолӣ метавонад бе барқ монад.

Қатъи интиқоли барқ танҳо барои қарзҳои ҷорӣ имконпазир аст, яъне агар истифодабаранда маблағи барқи як моҳ пешро напардохта бошад.

Бино ба маълумоти ширкат, то 1 январ ҳаҷми ин қарз каме бештар аз 25 млн сомониро ташкил медод, ки ҳамагӣ ба ҳудуди 1% аз арзиши умумии барқ ба аҳолӣ дар соли 2025 (2,4 млрд сомонӣ) баробар аст.

Дар ШТБ илова намуданд, ки қарзҳои ҷорӣ хусусияти кӯтоҳмуҳлат дошта, бисёр вақт бо сабаби дар маҳалли зист ҳузур надоштани муштариён ба вуҷуд меоянд. Маъмулан пас аз бозгашт ба хонаҳо чунин қарзҳо пардохта мешаванд.

Оғози ифшоҳо

ҶСК “Шабакаҳои тақсимоти барқ” дар натиҷаи бозсозии сохтори соҳаи энергетика таъсис дода шуда, аз соли 2021 ба фаъолият оғоз кард.

МАТЕРИАЛЫ ПО ТЕМЕ
Аҳолӣ аз барқ беш аз 1 млрд сомонӣ қарздоранд. Вазорат қарздорони калонтарин аз барқ ва истеҳсолу фурӯши онро гуфт

Ширкат ба таъмини интиқоли босифати барқ ба истеъмолгарони ниҳоӣ вазифадор аст. Он ҳамчунин ба коршоямии шабакаҳо, сохтмон, таъмиру навсозии таҷҳизот ҷавобгӯ буда, маблағи истифодаи барқро ҷамъоварӣ мекунад.

То ин дам ин вазифаҳоро энергохолдинги “Барқи тоҷик” иҷро мекард, ки пас аз бозсозии сохтор танҳо ба истеҳсол машғул аст.

Ширкати нав зери идораи менеҷерҳои беруна қарор дорад: ҳайати раҳбарият аз хориҷиён иборат аст.

Аввали соли 2023 ширкат изҳор дошт, ки дар барномаи биллингӣ “истеъмолгарони мавҷуднабуда ҳастанд, ки барои аз эътибор соқит намудани талафоти барқ истифода мешуданд”.

“Таҳлили барномаи биллингӣ нишон дод, ки солҳои пеш ҳаҷми зиёди барқ ҳамчун истифодашуда аз ҷониби истеъмолгарони маишӣ ҳисоб мешуд, ки асоси воқеӣ надорад. Ҳамчунин бо мақсади коҳиши нишондиҳандаи талафоти барқ ба барнома истеъмолгароне ворид карда шудаанд, ки мавҷуд нестанд. Ин барои фаъолияти дурусти барнома мушкилиҳо эҷод мекард”, – зикр шуда буд он замон дар иттилоияи ширкат.

Гуфта мешуд, ки маблағи умумии қарзи ҷамъшуда аз барқ то 1 январи соли 2023 ҳудуди 3,7 млрд сомониро ташкил медод, ки зиёда аз 40%-аш (ҳудуди 1,5 млрд сомонӣ) ба номи истеъмолгарони маишӣ навишта шуда буд.

Ба сурати умум, тавре ки дар ШТБ зикр мекунанд, қарзҳои ҷории аҳолӣ (бидуни назардошти қарзҳо то соли 2021) сол то сол тадриҷан кам мешаванд. Масалан, то 1 январи соли 2025 ҳаҷми умумии чунин қарзҳо 147 млн ва аввали соли 2026 – 25 млн сомониро ташкил медиҳад.

МАТЕРИАЛЫ ПО ТЕМЕ
Барқ дар Тоҷикистон гарон мешавад. Болоравии арзиши барқ ба зиндагии мардум чӣ таъсир мерасонад?

Ба гуфтаи менеҷерҳои ширкат, ба коҳиши қарзҳо лоиҳаҳое, ки дар бахши энергетика амалӣ мешаванд, мусоидат карданд: ҷорисозии низоми биллингӣ, аз дохили хона берун баровардани ҳисобкунакҳои барқ, огоҳкунии аҳолӣ аз қарз тариқи паёмак (СМС), зарур будани пардохти он ва дигар иқдомҳо.

Ҳамчунин сабаби коҳиши қарз сангинтар шудани қонунгузории кишвар дар мавриди дахолат ба кори ҳисобкунакҳои барқ ва саркашӣ аз пардохти маблағи он маънидод мешавад.

Афзоиши қарзро дар солҳои пешин намояндагони ШТБ дар навбати аввал ба ҳисоби нодурусти барқи истеъмолшуда марбут медонанд. Онҳо зикр мекунанд, ки ҳолатҳое буданд, ки онҳо бо ҳисобу китоби нозирон розӣ намешуданд ва мутаносибан аз пардохти маблағ саркашӣ мекарданд.

Гуфтаҳои президент

Президенти ҷумҳурӣ Эмомалӣ Раҳмон зимни ироаи паёми худ ба парлумон рӯзи 16 декабри соли 2025 “кормандони ҷудогона”-и соҳаи электроэнергетикаро ба сунъӣ боло бурдани маблағи қарзи аҳолӣ гунаҳкор донист.

Ӯ зикр кард, ки то ҷорисозии низоми биллингӣ тибқи ҳисоботи шабакаҳои барқ, 30-40%-и аҳолӣ маблағи барқро пардохт намекарданд. Аммо пас аз ҷорисозии низом дар шаҳру навоҳии ҷудогона, ба гуфтаи ӯ, маълум шуд, ки аҳолӣ қариб 100% маблағи истифодаи барқро пардохт мекардааст.

Президент таъкид дошт, ки ин маълумот бозгӯи он аст, ки намояндагони ҷудогонаи шабака бо суиистифода аз мансаби хидматӣ, маблағҳои истеъмолгарони маиширо барои барқ азхуд мекардаанд.

“Бо ин сабаб талафоти беасоси барқ ба таври сунъӣ ба дӯши аҳолӣ вогузор карда мешуд”, – илова карда буд ӯ.

МАТЕРИАЛЫ ПО ТЕМЕ
Вазири энергетика фаъолияти нимсолаи “Шабакаҳои тақсимоти барқ”-ро ғайриқаноатбахш хондааст

Бино ба маълумоти ШТБ, дар натиҷаи санҷишҳо дар соли 2025, 125 корманди шабакаҳои барқ аз кор озод карда шуда, ба ҷавобгарии ҷиноятӣ ҷалб шуданд. Парвандаҳои дигар кормандони шабака дар марҳилаи тафтишот қарор доранд.

Агентии назорати давлатии энергетикии назди президенти ҶТ чанде пеш хабар дод, ки дар доираи санҷиши бузургмиқёс дар сохторҳои шабакаҳои барқи шаҳру навоҳӣ изофанависии барқ ба суратҳисобҳои истеъмолгарон ба маблағи зиёда аз 321 млн кВт/соат ба маблағи 106 млн сомонӣ ошкор шудааст. Ҳаҷмҳои нисбатан зиёд дар шаҳри Душанбе, шаҳру навоҳии тобеи марказ, Бохтар ва Кӯлоб ба қайд гирифта шудааст.

Нисбати 406 корманди ширкатҳо (“ШТБ”, “Барқи тоҷик” ва “Помир энержи”) дар бораи қонуншиканиҳои маъмурӣ мавод таҳия шудааст. Ҳамчунин бар асоси хулосаҳои Агентии мазкур зиёда аз 130 парвандаи ҷиноятӣ оғоз шудааст.

Беҳдудӣ тариқи шаффофият ва адолат имконпазир аст

Мутахассисоне, ки суҳбат бо онҳо бароямон даст дод, аз тақвияти назарраси мубориза бо қонуншиканӣ ва ҷиноятҳо дар соҳаи энергетика истиқбол мекунанд.

Муҳандис ва устои барқ Нуралӣ Нурмаҳмадов бар ин назар аст, ки санҷишҳои идомадошта, инчунин тадбирҳои бартараф намудани изофанависии барқ ба бозбинии бодалоати қарз имкон дода, оянда бояд ба беҳбуди вазъият дар соҳаи энергетика мусоидат намоянд.

“Лекин, – гуфт ӯ. – Бо вуҷуди аз эътибор соқит кардани қарзҳои қалбакӣ, хеле муҳим аст, ки қарзҳои воқеии то соли 2021 ҷамъшудаи истеъмолгарон бояд дар муҳлати муқарраргардида бо имкони ба қарздорон додани муҳлати муайян пардохт шаванд”.

Ба ақидаи ӯ,ислоҳот ва санҷишҳои роҳандозишуда талошҳо ба самти баланд бардоштани шаффофият ва эътимод ба кори ширкатҳои энергетикиро таҷассум месозад. Анҷоми муваффақонаи тафтишот ва ҷорисозии таҷрибаҳои дурусту саҳеҳи баҳисобгирӣ натанҳо ба кам кардани сарбории қарз ба аҳолӣ, балки ба таҳкими таъминот бо барқ дар кишвар кумак мекунад”, – илова кард муҳадис ва устоби барқ.

Пардохту қарзҳо ва талафоти ШТС

Соли 2025 аз ҷониби ШТС ба маблағи зиёда аз 7,1 млрд сомонӣ беш аз 16,8 млрд кВт/соат нерӯи барқ фурӯхта шудааст, ки 11,3% зиёдтар аз рӯйи ҳаҷм ва 28,6% – бештар аз рӯйи арзиш нисбат ба соли 2024 мебошад.

Таърифаи миёна барои як киловатт-соат дар соли гузашта 42,26 дирамро ташкил додааст, ки 5,71 дирам зиёдтар нисбат ба соли пешин аст.

Дар амал каме бештар аз 6,5 млрд сомонӣ маблағ ҷамъоварӣ шудааст. Норасоии маблағро дар ширкат ба саривақт ва нопурра пардохт шудани маблағи истифодаи барқ пеш аз ҳама аз ҷониби корхонаву ташкилотҳои буҷетӣ ва ҶСК “Ширкати алюминии тоҷик” нисбат медиҳанд.

Қарздорони бузург инҳоянд:

Қарзи умумӣ ба ҳолати 1 январи соли ҷорӣ зиёда аз 3,6 млрд сомонӣ (беш аз 380 млн доллар)-ро ташкил медиҳд, ки 597,2 млн сомонӣ зиёдтар нисбат ба аввали соли 2025 аст.

МАТЕРИАЛЫ ПО ТЕМЕ
БАТР барои кам кардани талафоти қувваи барқ ба Тоҷикистон 43 млн евро кумак мекунад

Дар ҳамин ҳол, дар ширкат коҳиши талафоти барқро зимни тақсимот аз 19,2% дар соли 2024 то 15,6% дар соли 2025 зикр карданд. Соли гузашта зиёда аз 3,1 млрд кВт/соат барқ талаф ёфта буд, ки 500 млн кВт/соат камтар нисбат ба як соли пешин аст.

Коҳиши талафоти тиҷоратиро ба амалисозии лоиҳаҳо оид ба насби ҳисобкунакҳои ҳушманд дар Душанбе ва як қатор дигар шаҳру навоҳӣ нисбат медиҳанд. “Ивази ҳисобкунакҳои индуксионӣ ва вайрон, таъмиру навсозии шбакаҳои барқ, инчунин пурра гузаштан ба ҳисоби рақамӣ бо истифода аз низомҳои муосири биллингӣ ба коҳиши сатҳи талафот то нишондиҳандаҳои нақшавӣ имкон медиҳанд”, – илова карданд дар ҶСК “Шабакаҳои тақсимоти барқ”.

Дар Telegram, Facebook ва Instagram бо мо бимонед.

“Ҳамаро бо як ҷорӯб намерӯбем”. Раиси Кумитаи забон шарти ивази ҷойномҳоро гуфт

By
admin
-
0

Кумитаи забон ва истилоҳот шарти ивази ҷойномҳоро дар кишвар шарҳ дод. Аз ин ниҳод гуфтанд, Кумита намегузорад, ки номҳои таърихию қадимӣ, ки маънои хубу мусбат доранд ва ба арзишҳои миллии мо мухолифате намекунанд, дигар карда шаванд.

Сахидод Раҳматуллозода, раиси Кумита дар нишасти матбуотии рӯзи 30-юми январи соли равон гуфт, вақте зарурати иваз кардани номи маконе ба миён меояд, масъала аввал, дар сатҳи маҳал баррасӣ шуда, баъдан ба вилоят пешниҳод мешавад ва масъулини вилоят аз Кумитаи забон ва истилоҳот барои иваз кардан ва ё накардани он хулосаи ниҳоӣ мегиранд.

Ба гуфтаи ӯ, вақте ба Кумита муроҷиат мешавад, забоншиносон, ки шохаҳои гуногуни забонро меомӯзанд, дар асоси осори илмӣ-тадқиқотие, ки дар тӯли таърих мавҷуд аст, хулосаи худро пешниҳод мекунанд.

Раҳматуллозода афзуд, номҳое, ки ба меъёри забони тоҷикӣ мувофиқ нестанд, иваз ва ҷойномҳои қадимаю таърихии забон нигоҳ дошта мешавад.

“Сиёсати давлатии Тоҷикистон доир ба забон ин нест, ки ҳамаро бо як ҷоруб рӯбад. Дар манотиқи Тоҷикистон ҳазорҳо номе ҳаст, ки дар шакли асл то имрӯз нигоҳ дошта шудаанд”, – гуфт номбурда.

Ҳамчунин, ба қавли ӯ, дар номгузорӣ маънои калима ва ба арзишҳои миллӣ  мутобиқ будани он ҳатман ба назар гирифта мешавад.

Ба қавли ӯ, ҳангоми иваз кардани ҷойномҳое, ки то имрӯз сурат гирифтанд, масъулини Кумита ба манотиқи кишвар сафар карда, бо мардуми ҳар як маҳал суҳбат ва калимаҳоро омӯхтаанд.

“Мо  дар минтақае зиндагӣ дорем, ки номҳои суғдӣ, авестоӣ, бохтарӣ ва номҳои дигари забонҳои қадим ва миёна зиёданд. Вақте мехоҳем ин ё он номро иваз кунем, бисёр ҷиддӣ назар мекунем”. – гуфт ӯ.

МАТЕРИАЛЫ ПО ТЕМЕ
Аз Уртақишлоқу Каттасаркамишу Қанғелӣ ба Миёндеҳу Найистону Зарнисор. Беш аз 170 ҷойноми Тоҷикистон иваз шудаанд

Ссоли 2025 дар кишвар танҳо ду ҷойном – маҳалли аҳолинишини Дашти Ҳаштсар дар ноҳияи Айнӣ ба деҳаи Ваҳдатобод ва деҳаи Тавилдара ба шаҳраки Сомондеҳ табдили ном карданд.

Бояд гуфт, ки дар чанд соли охир ҳазорҳо ҷойном дар Тоҷикистон табдили ном карданд. Аз ҷумла, моҳи августи соли 2023 ҳукумат табдили номи ҳудуди 3,5 ҳазор иншооти ҷуғрофиро дар қаламрави кишвар тасдиқ кард.

Як сол баъд, давоми соли 2024 дар кишвар номи беш аз 500 деҳа, ки номҳои русӣ, туркӣ ва ё ба номи шахсиятҳои замони Шӯравӣ номгузорӣ шуда буданд, ба гуфтаи маоқмқот “ба номҳои тоҷикӣ” иваз карда шуданд.

Баъди чанде боз зиёда аз 170 номи маҳалҳои аҳолинишин, ки  “ғайримеъёрӣ” буданд, иваз шудаанд, ба мисли: аз Уртақишлоқу Каттасаркамишу Қанғелӣ ба Миёндеҳу Найистону Зарнисор.

Инҷунин, дар се соли охир чандин номҳои аз замони Шӯравӣ боқимонда, ба мисли "Коммунист", "Коммунизм", "Ленинобод", "Октябр", "Правда", "Киров", "Горкий", "Пушкин" ва халқиятҳо – "Тоҷикобод", "Ӯзбекобод", "Қирғизобод", "Қазоқобод" ба номҳои тоҷикӣ иваз гардиданд.

Дар Telegram, Facebook ва Instagram бо мо бимонед.

1...505152...50,000Page 51 of 50,000