Қариб ду моҳ мешавад, ки равобит миёни Озарбойҷон ва Русия ба сардӣ гароидааст ва ҳеҷ нармише дар муносибати ин ду кишвар мушоҳида намешавад. Равобити ин ду кишвари “шарики стратегӣ” баъди марги ду озарии шаҳрванди Русия дар Екатеренбург тира гашт. Озарбойҷон ду корманди хабаргузории русии “Спутник” ва даҳҳо шаҳрванди Русияро боздошт кард. Чорабиниҳои фарҳангии дар Озарбойҷон тарҳрезишудаи Русия ва сафари муовини сарвазири ин кишварро лағв кард.
Озарбойҷон иддао дорад, ки ин амалиёт ба таъқиби озариҳо равона шудааст ва ду шаҳрвандаш дар пайи шиканҷаи мақомоти рус ҷон бохтаанд. Русия даъво дорад, ки ин як амалиёти маъмулии кормандони мақомоти амниятӣ аст ва яке аз ҷонбохтагон аз бемории қалб вафот кардааст.
Ҳар ду кишвар сафирони ҳамдигарро ба вазорати корҳои хориҷии худ даъват карда, эътирозу нигарониашонро расониданд. Ахиран, Озарбойҷон эълон кард, ки Русияро барои суқути ҳавопаймояш дар 24-уми декабри соли 2024 ба додгоҳ мекашад. Боку даъво дорад, ки он аз сӯйи низоми зиддиҳавоии Русия суқут карда шуд.
Оё ин ҳама ҳаводис гувоҳи коҳиши нуфузи Русия дар кишварҳои пасошӯравӣ аст ва оё Маскав аз он сабақ гирифта, сиёсати худро бо ин кишварҳо тағйир медиҳад? Кишварҳои Осиёи Марказӣ метавонанд мисли Озарбойҷон аз манфиатҳои худ ва шаҳрвандонашонро дар Русия ҳимоя кунанд?
Дар навори зер шарҳ медиҳем:
