Вазири корҳои хориҷии Ҷумҳурии Тоҷикистон Ҳамрохон Зарифӣ сафири Украина дар Тоҷикистон Виктор Никитюкро ба ҳузур пазируфт.
Тавре аз Вазорати корҳои хориҷии ҷумҳурӣ иттилоъ доданд, зимни мулоқот ҷонибҳо масоили рушди муносибатҳои дуҷонибаю бисёрҷониба, ба роҳ мондани ҳамкориҳои мутақобилан судманд дар соҳаҳои иқтисодиёт, энергетика, инчунин дар бахшҳои маориф ва фаҳангро мавриди муҳокима қарор доданд.
Ба иттилои манбаъ, вазири корҳои хориҷии Тоҷикистон изҳори боварӣ кард, ки сафири кишвари дӯст дар раванди рушди муносибатҳои дуҷониба саҳми сазовор хоҳад гузошт.
