Душанбе. 17-уми октябр. ОИ «Азия-Плюс» – Имрӯз дар нишасти матбуотӣ муовини аввали сардори Хадамоти гумруки назди
ҳукумати Тоҷикистон Неъматбой Раҳматов изҳор дошт, ки аз оғози соли равон ба Тоҷикистон беш аз 72 ҳазор адад мошин ворид карда шуд.
Зикр гардид, ки аз ин миқдор 10 ҳазор адад мошин барои истифодаи шахсӣ ва боқимонда барои фаъолияти истеҳсоливу тиҷоратӣ ворид гардидаанд. Дар ҳамин давраи соли гузашта ба ҷумҳурӣ 51 ҳазор мошин ворид гардида буд.
Н.Раҳматов афзуд, ки дар 9 моҳи соли равон аз ҳисоби пардохтҳои гумрукӣ ба буҷаи давлатӣ беш аз 1 млрд. 202 млн. сомонӣ маблағ ворид шудааст, ки он 127 дарсади нақшаи пешбинишударо ташкил медиҳад.
