Дар шаҳри Варшаваи Ҷумҳурии Лаҳистон конфронси Созмони ҳамкории иқтисодӣ ва рушд (ОЭСР) дар сатҳи вазирони Авруосиё баргузор гардид.
Тоҷикистонро дар Конфронс муовини аввали сарвазир Матлубхон Давлатов ба айси роҳбари ҳайат, вазири рушди иқтисод ва савдо Шариф Раҳимзода ва намояндаи доимии Ҷумҳурии Тоҷикистон дар Иттиҳоди Аврупо – сафир Рустамҷон Солиев намояндаг
ӣ
карданд.
Сомонаи расмии ВКХ Тоҷикистон хабар медиҳад, ки дар чаҳорчӯби конфронси мазкур Ҳукумати Лаҳистон ва Созмони ҳамкории иқтисодӣ ва рушд бизнес-форум барпо карданд. Дар форуми номбурда вазири рушди иқтисод ва савдои Тоҷикистон Шариф Раҳимзода имконоти иқтисодӣ, гидроэнергетикӣ ва сармоягузории ҷумҳуриро дар асоси факту рақамҳои дақиқ муаррифӣ намуд.
Шариф Раҳимзода таъкид сохт, ки узвияти комилҳуқуқи Тоҷикистон дар Созмони Умумиҷаҳонии Савдо шароити мусоидро барои рушди робитаҳои судманди байналмилалии иқтисодию тиҷоратии ҷумҳурӣ фароҳам меоварад.
Иштирокчиён ва соҳибкорони лаҳистонӣ ба имконоти иқтисодиву сармоягузории Тоҷикистон мароқи хоса зоҳир намуда, омодагии худро оид ба роҳандозии ҳамкории муфиди дуҷониба изҳор карданд.
