Имрӯз дар шаҳри Хуҷанд Конфронси ҳисоботиву интихоботии шуъбаи Ҳизби наҳзати исломии Тоҷикистон дар вилояти Суғд баргузор гашт.
Бино ба иттилои сомонаи расмии ҲНИТ, дар конфронс Наимҷон Самиев, раиси шуъбаи ҲНИТ дар вилояти Суғд доир ба бурду бохти шуъба дар давраи ҳисоботӣ гузориш дод. Ҳамчунон, Мирзоолим Ҳамдамов, раиси комиссияи тафтишотии шуъба доир ба фаъолияти ҳайат ба аъзои конфронс гузориш пешниҳод кард.
Вакилони конфронс ҳайати раёсати ҷадиди шуъбаи вилоятӣ ва комиссияи тафтишотии онро интихоб намуданд. Илҳомҷон Ёқубов раиси шуъбаи вилоятии ҳизб ва Нуъмониддин Шарипов раиси комиссияи тафтишотии шуъбаи вилоятӣ интихоб шуданд. Илҳомҷон Ёқубов то ба ин замон ба ҳайси роҳбари шуъбаи ҷавонон ва варзиш дар вилояти Суғд фаъолият мекард.
Дар кори конфронс раиси Ҳизби наҳзати исломии Тоҷикистон Муҳиддин Кабирӣ ширкат ва суханронӣ намуд.
