Ба унвони президенти Тоҷикистон Эмомалӣ Раҳмон ба муносибати аз нав ба мансаби президенти мамлакат интихоб шуданаш вуруди барқияҳои табрикотӣ идома дорад.
Бино ба иттилои хадамоти матбуоти сарвари давлат, дар барқияи раиси Шӯрои Аврупо Ҳерман Ван Ромпей таъкид мегардад, ки Иттиҳоди Аврупо, ҳамчун дӯст ва шарик минбаъд низ Ҷумҳурии Тоҷикистон ва мардуми онро дастгирӣ менамояд.
Дар барқияи шодбошии муовини дабири кулли СММ, котиби иҷроияи Комиссияи Аврупоии Иқтисодии СММ Свен Алкалай изҳори итминон мешавад, ки ҳамкориҳо миёни Комиссияи иқтисодии СММ ва Тоҷикистон боз ҳам бештар рушд хоҳанд кард.
