Бар асари ҷароҳатҳои расонида аз ҷониби афроди номаълум декани яке аз факултаҳои Донишгоҳи давлатии «Хуҷанд (ДДХ) ба ҳалокат расид.
Тавре ба ОИ «Азия-Плюс» аз Раёсати ВКД ҶТ дар вилояти Суғд иттилоъ доданд, Мунир Хоҷаеви 49-сола бо ҷароҳатҳои гуногун субҳи барвақти рӯзи 5-уми декабр дар яке аз истгоҳҳои автобуси шаҳри Хуҷанд дарёфт шудааст.
«Ӯро ба бемористони №1-и шаҳри Хуҷанд мунтақил кардаанд, вале наҷоти ӯ ба табибон муяссар нагардид», – гуфт манбаъ ва аз ифшои ҷузъиёти дигари ин ҳодиса худдорӣ варзид.
Зимнан зикр гардид, ки тафтиши ҳодисаи мазкур ҷараён дорад.
Тавре ба ОИ «Азия-Плюс» яке аз хешони марҳум хабар дод, Мунир Хоҷаев ба ҳайси декани факултаи ҷуғрофияи Донишгоҳи давлатии Хуҷанд ба номи академик Бобоҷон Ғафуров ифои вазифа мекард.
