Теъдоди муҳоҷирони меҳнатие, ки аз Ёвон ба хориҷа сафар мекунанд, сол то сол коҳиш ёфта истодааст. Дар ин бора зимни нишасти хабарӣ раиси ноҳияи Ёвон Амирбек Маҳмадалиев изҳор дошт.
Ба гуфтаи ӯ, агар дар соли 2009 шумори муҳоҷирон аз Ёвон 14 ҳазорро ташкил мекард, соли 2013 он то 10 ҳазор поён рафт.
“Яке аз сабабҳои поён рафтани шумори муҳоҷирони корӣ таъсиси ҷойҳои корӣ дар ноҳия мебошад.”, – зикр кард раиси ноҳия.
Ба иттилои ӯ, муҳоҷирони меҳнатии Ёвон аз кишварҳои хоирҷа ба аҳли хонаводаашон 194,4 миллион доллари амрикоӣ ирсол кардаанд, ки қариб 1 миллиард сомониро ташкил медиҳад.
