Имрӯз, 15-уми феврал ба хурӯҷи нерӯҳои низомии Артиши Шӯравӣ аз Афғонистон 15 сол пур мешавад.
Дар шаҳраки Дӯстии ноҳияи Қумсангир ба ин муносиат вохӯрии собиқ ҷанговарони интернатсоналист доир гардид. Дар вохӯрӣ собиқадорон аз Русияву Тоҷикистон ва Қазоқистон ширкат варзиданд.
Ин чорабинӣ бо ташаббуси роҳбари Иттифоқи ҷанговарони интернатсионалисти ноҳияи Қумсангир А.Моисеев доир гардида, дар он раиси ноҳия, сардори шуъбаи ВКД ҶТ дар ноҳияи Қумсангир ва муовини раиси комиссариати ҳарбии ноҳия низ ҳузур доштанд. Ба вохӯрӣ ҳамчунин намояндагони пойгоҳи низомии 201-уми Русия дар Тоҷикистон низ даъват шуда буданд.
Собиқадорону меҳмонон ба пояи муҷассамаи ёдгории Муҳофизони Ватан гулҳо гузошта, дар кӯчаи марказии шаҳрак гузашти ифтихории марзбонон ва толибилмони тоҷик баргузор шуд. Сипас ҷамъомадаи ботантана доир гардида, меҳмонон собиқадоронро бо ҷашн табрик гуфтанд ва ба онҳо медалҳои ҷашниву туҳфаҳои хотиравӣ тақдим намуданд. Чорабинӣ бо консерти идонаи толибилмони тоҷик ва дастаи ҳунарии «Южный форпост»-и Русия анҷом пазируфт.
