Имрӯз таҳти раёсати раиси палатаи поёнии парлумони ҷумҳурӣ Шукурҷон Зуҳуров ҷаласаи навбатии Шӯрои Маҷлиси намояндагони Маҷлиси Олии Тоҷикистон баргузор шуда, дар он масъалаи ворид намудани тағйироту илова ба қонун «Дар бораи муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм» баррасӣ шуд.
Тавре ба «Азия-Плюс» котиби матбуотии палатаи поёнии парлумони ҷумҳурӣ Муҳаммадато Султонов хабар дод, дар ҷаласаи Шӯро ҳамчунин лоиҳаи қонуни ҶТ «Дар бораи савдои электронӣ» низ мавриди муҳокима қарор гирифтааст.
Ба гуфтаи ӯ, тамоми масъалаҳои баррасишуда дар ҷаласаи Шӯро ҷиҳати омӯзиш ба кумита ва комиссияҳои дахлдори МНМО ҶТ фиристода шуданд.
Султонов ҳамчунин иттилоъ дод, ки мутобиқи қарори Шӯро, ҷаласаи навбатии иҷлосияи панҷуми палатаи поёнии парлумон даъвати чорум рӯзи 24-уми апрел дар шаҳри Душанбе баргузор мешавад.
