– Тайи ҳафт соли ахир сатҳи рушди иқтисоди миллии Тоҷикистон ду маротиба ва ҳаҷми ММД 1,5 маротиба афзуд, вале ин суръати рушд моро қонеъ намекунад, – гуфт зимни ироаи паём ба парлумон президенти Тоҷикистон Эмомалӣ Раҳмон.
Сарвари давлат таъкид намуд, ки дар ин давра ҳаҷми даромади аҳолии кишвар 1,7 маротиба афзуда, дар ҳамин ҳол, зикр кард, ки тибқи ҳисобҳои пешакии ҳукумат, соли 2020 шумори аҳолии камбизоати кишвар ба андозаи 20% коҳиш меёбад.
Эмомалӣ Раҳмон қайд кард, ки вазифаи аввалиндараҷаи ҳукумат, роҳбарони тамоми сатҳҳо ва мансабдорони давлатӣ талош баҳри беҳбуди сатҳи некӯаҳволии мардум, рушди иқтисод, бо қатъият амалисозии барномаву лоиҳаҳои қаблан қабулшуда боқӣ мемонад.
